'संपूर्ण मोहल्ल्याचं वीज बिल पाठवलं का?' विजेचे बिल पाहून हरभजन सिंह संतापला

अनुभवी ऑफस्पिनर हरभजन सिंह (Harbhajan Singh) सोशल मीडियावर कायम अ‍ॅक्टिव राहिला आहे. क्रिकेटबरोबरच सोशल मीडियावर सामाजिक विषयांवर आपली मते आणि विश्वासार्हताही व्यक्त करतो. अलीकडेच त्यांनी वाढीव वीज बिलाबाबत एक ट्विट केले आहे. ट्विटरच्या माध्यमातून तक्रारी केल्यावर भज्जी त्याचे प्रचंड वाढलेले वीज बिल पाहून नाराज आहेत. मागील काही महिन्यांपासून सोशल मीडियावर वाढत्या वीजबिलाचा (Electricity Bill) मुद्दा चांगलाच चर्चिला जात आहे. महाराष्ट्रात सामान्यांपासून ते सेलिब्रिटींपर्यंत अनेकांना वाढत्या वीजबिलाचा फटका बसला आहे. त्यातच आता भज्जीचीही भर पडली आहे. तापसी पन्नू, हुमा कुरेशी या बॉलिवूड सेलिब्रिटींनीही वाढीव वीज बिलाबाबत ट्विट केले आणि आक्षेप नोंदविला. हरभजनचे घरातील वीज बिल 33900.00 रुपये झाले आहे, जे पाहून तो आश्चर्यचकित झाला. (अतिरिक्त वीज बिलामुळे मुंबईकरांची झोप उडाली, ग्राहकांनी ट्विटरवर व्यक्त केला संताप; mahadiscom.in वर असे तपासा वीज बिल)

या वाढीव बिलाबाबत त्यांनी आपल्या अधिकृत ट्विटर हँडलवरून एक ट्विट केले. भज्जीने ट्विटमध्ये लिहिले की, "संपूर्ण मोहल्ल्याचं वीज बिल पाठवलं का? यानंतर, त्याने आपले बिल मेसेज लिहिले सामान्य बिलापेक्षा 7 पट जास्त ??? वाह!" हरभजनला 3 लाख 39 हजार 900 रूपये इतकं वीज बिल आलं असून अदानी इलेक्ट्रिसिटी मुंबई लिमिटेडने बिल भरण्यासाठी त्याला 17 ऑगस्टपर्यंतचा कालावधी दिला आहे.

Itna Bill pure mohalle ka lga diya kya ?? @Adani_Elec_Mum 😳😳😳ALERT: Your Adani Electricity Mumbai Limited Bill for 152857575 of Rs. 33900.00 is due on 17-Aug-2020. To pay, login to Net/Mobile Banking>BillPay normal Bill se 7 time jyada ??? Wah

— Harbhajan Turbanator (@harbhajan_singh) July 26, 2020

दरम्यान, लॉकडाऊनमध्ये वाढलेला विजेचा वापर आणि एप्रिलपासून वाढलेले वीजदर यामुळे वीज बिळांमध्ये लक्षणीय वाढ झाल्याचे निरीक्षणात आले आहे. त्याचप्रमाणे आधीच्या दोन महिन्यांतील सरासरी आणि प्रत्यक्ष वीजवापर यांच्यातील फरकाची रक्कमही देयकांत जोडण्यात आल्याने नागरिकांवर भार वाढल्याचे तज्ज्ञ सांगत आहेत. कोरोना व्हायरसमुळे भारतातील सर्व क्रिकेट स्पर्धांना ब्रेक लागले आहे. अशा परिस्थितीत हरभजनसुद्धा घरी कुटूंबासमवेत वेळ घालवत होता, पण आता भज्जीदेखील उर्वरित क्रिकेटपटूंसोबत मैदानावर परतणार आहेत. आयपीएल 2020 स्पर्धेची घोषणा झाली आहे. कोरोना विषाणूमुळे अनिश्चित काळासाठी स्थगित केलेली ही स्पर्धा युएईमध्ये 19 सप्टेंबर ते 8 नोव्हेंबर दरम्यान आयोजित केली जाईल. हरभजन आयपीएलमध्ये चेन्नई सुपर किंग्ज (सीएसके) संघाचा सदस्य आहे.

(The above story first appeared on LatestLY on Jul 27, 2020 04:33 PM IST. For more news and updates on politics, world, sports, entertainment and lifestyle, log on to our website latestly.com).