WPL लिलावापूर्वी चाहत्यांसाठी आनंदाची बातमी, संपूर्ण स्पर्धा खेळवली जावू शकते वेगवेगळ्या शहरात
चाहत्यांमध्ये क्रिकेटचा उत्साह आणखी वाढवण्यासाठी बीसीसीआय मोठा निर्णय घेऊ शकते. वास्तविक, इंडियन प्रीमियर लीग (IPL) आणि महिला प्रीमियर लीग (WPL) 2024 मध्ये आयोजित करण्यात येणार आहेत. या दोन्ही स्पर्धांसाठी बीसीसीआयने आतापासूनच तयारी सुरू केली आहे.
WPL 2024: एकदिवसीय विश्वचषक होऊन बराच काळ लोटला आहे. आता पुन्हा चाहत्यांचे लक्ष हळूहळू क्रिकेटकडे लागले आहे. दरम्यान, चाहत्यांमध्ये क्रिकेटचा उत्साह आणखी वाढवण्यासाठी बीसीसीआय मोठा निर्णय घेऊ शकते. वास्तविक, इंडियन प्रीमियर लीग (IPL) आणि महिला प्रीमियर लीग (WPL) 2024 मध्ये आयोजित करण्यात येणार आहेत. या दोन्ही स्पर्धांसाठी बीसीसीआयने आतापासूनच तयारी सुरू केली आहे. आता चाहते फक्त त्या दिवसाची वाट पाहत आहेत जेव्हा त्यांचे आवडते खेळाडू लिलावात दिसणार आहेत. दरम्यान, चाहत्यांना खूश करण्यासाठी बोर्ड आणखी एक मोठा निर्णय घेऊ शकते. (हे देखील वाचा: Live सामन्यादरम्यान Gautam Gambhir आणि S Sreesanth भिडले, झाली जोरदार बाचाबाची (Watch Video)
चाहत्यांसाठी आनंदाची बातमी
आयपीएल प्रमाणे, बीसीसीआय आगामी महिला प्रीमियर लीग 2024 चे सामने वेगवेगळ्या शहरांमध्ये आयोजित करू शकते. महिला प्रीमियर लीगच्या दुसऱ्या सत्राचे यजमानपदासाठी मुंबई आणि बेंगळुरू देखील आघाडीवर आहेत. मात्र याबाबतचा अंतिम निर्णय 9 डिसेंबरला होणार आहे. डब्ल्यूपीएलच्या पहिल्या सत्रातील सर्व सामने 4 ते 26 मार्च दरम्यान मुंबईतील डीवाय पाटील स्टेडियम आणि ब्रेबॉर्न स्टेडियमवर खेळवण्यात आले. हा हंगाम यशस्वी ठरला. हा सामना पाहण्यासाठी चाहते मोठ्या संख्येने स्टेडियमवर पोहोचले होते. मात्र महिला क्रिकेटला अधिक चालना देण्यासाठी अधिक स्थळांना संधी देण्याची जोरदार मागणी होत आहे.
बीसीसीआयच्या अधिकाऱ्याने ही माहिती दिली
पीटीआयने दिलेल्या वृत्तानुसार, क्रिकेट बोर्ड या स्पर्धेच्या दुसऱ्या सत्राचे आयोजन करण्यासाठी दोन किंवा अधिक शहरांची निवड करण्याचा विचार करत आहे. 9 डिसेंबरला खेळाडूंचा लिलाव होणार आहे. त्यादिवशी याबाबत काही मोठी घोषणा होण्याची शक्यता आहे. बीसीसीआयच्या एका अधिकाऱ्याने गोपनीयतेच्या अटीवर पीटीआयला सांगितले की, सामन्यांच्या ठिकाणांबाबत अंतिम निर्णय 9 डिसेंबरनंतर (डब्ल्यूपीएलची लिलाव तारीख) घेतला जाऊ शकतो, परंतु यावेळी तो वेगवेगळ्या शहरांमध्ये होण्याची शक्यता आहे. आणि सध्या मुंबई आणि बेंगळुरू या शर्यतीत आघाडीवर आहे.
सामना वेगवेगळ्या शहरांमध्ये नेण्याची योग्य हीच वेळ
मुंबई आणि कर्नाटक क्रिकेट असोसिएशनच्या अधिकाऱ्यांनीही डब्ल्यूपीएल आयोजित करण्यात रस दाखवला आहे. रॉयल चॅलेंजर्स बंगळुरू महिला संघाची कर्णधार स्मृती मानधना हिनेही वेगवेगळ्या शहरांमध्ये डब्ल्यूपीएल सामने आयोजित करण्याची वकिली केली होती. बीसीसीआयच्या अधिकाऱ्याने पुढे सांगितले की, सुरुवातीच्या वर्षी डब्ल्यूपीएलला चाहत्यांकडून चांगला प्रतिसाद मिळाला होता आणि ती वेगवेगळ्या शहरांमध्ये नेण्याची हीच योग्य वेळ आहे. बंगळुरूमध्ये महिला क्रिकेटसाठी नेहमीच चांगला प्रेक्षकवर्ग आहे आणि आता तो आरसीबी महिला संघामुळे वाढला आहे.
(The above story first appeared on LatestLY on Dec 07, 2023 11:02 AM IST. For more news and updates on politics, world, sports, entertainment and lifestyle, log on to our website latestly.com).
