विराट कोहली आणि स्टीव्ह स्मिथमधून ब्रेट ली याने निवडला सर्वोत्कृष्ट फलंदाज, डॉन ब्रॅडमन यांच्याशी केली तुलना

विश्व क्रिकेटमध्ये भारतीय क्रिकेट संघाचा कर्णधार विराट कोहली (Virat Kohli) आणि ऑस्ट्रेलियाचा माजी क्रिकेट संघाचा माजी कर्णधार स्टीव्ह स्मिथ (Steve Smith) यांच्या फलंदाजीला टक्कर देईल असा अद्याप कोणताही फलंदाज नाही. कोहली आणि स्मिथ स्वत: सध्याच्या काळातील दोन सर्वोत्कृष्ट फलंदाज आहेत, ज्यांची फलंदाजी त्यांच्या संघाच्या विजयाची हमी देते असे म्हणता येईल. क्रिकेटमध्ये फलंदाजीची तुलना करणे हा नेहमीच चर्चेचा विषय आहे. या पिढीमध्ये विराट आणि स्मिथ यांच्यात अव्वल फलंदाजाची लढाई पाहायला मिळत आहे. कसोटी क्रिकेटमध्ये स्मिथ सर्वोच्च फलंदाज आहे, तर कोहली मर्यादित षटकांच्या क्रिकेटमधील एक रन मशीन आहे आणि त्याने कसोटी क्रिकेटमध्येही अनेक खेळ उंचावले आहेत. ऑस्ट्रेलियाचा माजी वेगवान गोलंदाज ब्रेट ली (Brett Lee) याने या  दोघांमधील सर्वोत्तम फलंदाजांची निवड केली. सुरुवातीला लीने दोघांमधील एक निवडण्यापासून दूर राहण्याचा प्रयत्न केला परंतु नंतर ऑस्ट्रेलियाच्या माजी सहकारीची निवड केली. (पाकिस्तान, वेस्ट इंडिजविरुद्ध कर पण ऑस्ट्रेलियाविरुद्ध नको! ब्रेट ली ने रोहित शर्माकडे केली स्पेशल विनंती)

“ते दोन वेगवेगळे खेळाडू आहेत. कोहली तांत्रिकदृष्ट्या चांगला आहे, तो वी झोनमध्ये धावा करतो, कोहली आधी ऑफ स्टंपच्या बाहेर अस्वस्थ असायचा, पण आता तसे नाही. त्याने ऑफ स्टंपच्या बाहेरचे क्षेत्र घट्ट केले आहे" ली म्हणाला, “तो शिस्तबद्ध आणि पूर्ण फिट आहे... त्याच्या टीमचा एक उत्तम कर्णधार आहे. स्मिथ, स्पष्टपणे गेल्या दोन वर्षांत त्याने जे काही केले, त्याने गेल्या 12 महिन्यांत ज्या पद्धतीने खेळला त्यामध्ये तो वाढला आहे. तो वेगळा फलंदाजही आहे. याक्षणी मी कोहलीच्या जागी स्मिथची निवड करेन कारण तो ज्या स्थितीला सामोरे गेला त्याच्यावर काय विजय मिळवला.”

लीने स्मिथच्या मानसिक स्थितीची नोंद केली आणि म्हणाला की "तो ब्रॅडमनपर्यंत देखील पोहोचू शकतो. स्मिथची मानसिक शक्ती खूप असते. तो ब्रॅडमन सारखा असू शकतो. विराट आणि स्मिथ हे दोघेही जागतिक दर्जाचे क्रिकेटपटू आहेत. दोन्ही खेळाडू माझा मुलगा प्रेस्टनवर खूप प्रेम करतात. माझ्या मुलाला विराट खूप आवडतो. त्याने आपला टी-शर्ट माझ्या मुलालाही दिला आहे."

(The above story first appeared on LatestLY on May 27, 2020 02:22 PM IST. For more news and updates on politics, world, sports, entertainment and lifestyle, log on to our website latestly.com).