WTC Points Table 2023-25: पाकिस्तानला हरवून बांगलादेशने डब्ल्यूटीसी पॉइंट टेबलमध्ये घेतली मोठी झेप; इंग्लंडलाही फायदा, भारत कोणत्या स्थानी?
PAK vs BAN: पाकिस्तानचा पराभव करुन बांगलादेश संघाला जागतिक कसोटी चॅम्पियनशिपच्या गुणतालिकेत मोठा फायदा झाला आहे. गुणतालिकेत सहावे स्थान मिळवले. त्याचबरोबर इंग्लंडनेही श्रीलंकेविरुद्धच्या विजयासह मोठी झेप घेण्यात यश मिळवले आहे.
Bangladesh National Cricket Team Beat Pakistan National Cricket Team: रावळपिंडी येथे खेळल्या गेलेल्या या सामन्यात बांगलादेशने पाकिस्तानचा 10 गडी राखून पराभव (BAN Beat PAK 1st Test) केला. बांगलादेशने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना पाकिस्तानने पहिल्या डावात 6 बाद 448 धावा करून डाव घोषित केला. प्रत्युत्तरात बांगलादेशने 565 धावा केल्या आणि 117 धावांची आघाडी घेतली. बांगलादेशने दुसऱ्या डावात पाकिस्तानला 146 धावांत गुंडाळले. बांगलादेशने 30 धावांचे लक्ष्य 10 गडी राखून पूर्ण केले. विजयामुळे बांगलादेश संघाला जागतिक कसोटी चॅम्पियनशिपच्या गुणतालिकेत मोठा फायदा झाला आहे. गुणतालिकेत सहावे स्थान मिळवले. त्याचबरोबर इंग्लंडनेही श्रीलंकेविरुद्धच्या विजयासह मोठी झेप घेण्यात यश मिळवले आहे.
बांगलादेशला विजयाचा झाला फायदा
या विजयासह बांगलादेशचा संघ सहाव्या स्थानावर पोहोचला आहे. त्याच्या गुणांची टक्केवारी 40 वर पोहोचली आहे. त्याचबरोबर बांगलादेशच्या खात्यात 24 अंक पोहोचले आहेत. यापूर्वी संघ आठव्या स्थानावर होता. त्याचवेळी या पराभवामुळे पाकिस्तान संघाचे नुकसान झाले आहे. संघ सातव्या स्थानावरून आठव्या स्थानावर घसरला आहे. त्याच्या खात्यात 22 गुण आहेत आणि गुणांची टक्केवारी 30.56 आहे. (हे देखील वाचा: Pakistan Team Trolled: बांगलादेशकडून पाकिस्तानचा पराभव, नेटकऱ्यांंनी घेतली मजा; सोशल मीडियावर फनी मीम्सचा पूर)
WTC Points Table 🏏
Bangladesh rises in the rankings after making history with a groundbreaking performance! 🔥 pic.twitter.com/fFGBMtgm6u
— CricketGully (@thecricketgully) August 25, 2024
गुणतालिकेत इंग्लंड चौथ्या स्थानावर
दुसरीकडे, इंग्लंडने श्रीलंकेविरुद्ध सुरू असलेल्या तीन सामन्यांच्या कसोटी मालिकेतील पहिल्या सामन्यात पाच गडी राखून विजय मिळवत जागतिक कसोटी चॅम्पियनशिपच्या गुणतालिकेत मोठी झेप घेतली आहे. ओली पोपच्या नेतृत्वाखालील संघाने श्रीलंकेचा पराभव करून मालिकेत 1-0 अशी आघाडी घेतली आहे. या चक्रातील 14 कसोटी सामन्यांमधील इंग्लंडचा हा सातवा विजय आहे. यासह त्याचे गुण 69 इतके वाढले असून गुणांची टक्केवारी 41.07 झाली आहे. इंग्लंडचा संघ आता चौथ्या स्थानावर पोहोचला असून जागतिक कसोटी चॅम्पियनशिपच्या अंतिम फेरीसाठी दावा केला आहे. यापूर्वी संघ सहाव्या स्थानावर होता.
भारत अव्वल स्थानावर कायम
भारत आणि गतविजेता ऑस्ट्रेलिया अनुक्रमे 68.5 आणि 62.5 गुणांसह अव्वल दोनमध्ये कायम आहेत. भारतीय संघाला सप्टेंबरमध्ये बांगलादेशविरुद्ध दोन कसोटी सामन्यांची मालिका खेळायची आहे. पहिला सामना 19 सप्टेंबरपासून चेन्नईत होणार आहे. तर, दुसरा सामना 27 सप्टेंबरपासून कानपूरमध्ये होणार आहे. यानंतर, नोव्हेंबरमध्ये भारत आणि ऑस्ट्रेलिया यांच्यात प्रतिष्ठित पाच सामन्यांची बॉर्डर-गावस्कर ट्रॉफी खेळली जाईल.
(The above story first appeared on LatestLY on Aug 16, 6780 05:24 PM IST. For more news and updates on politics, world, sports, entertainment and lifestyle, log on to our website latestly.com).
