Virat Kohli (Photo Credit - Twitter)

भारतात दिवाळी मोठ्या थाटामाटात साजरी केली जात आहे. पण टीम इंडियाने (Team India) हे शुभ कार्य एक दिवस आधी केले जेव्हा त्यांनी T20 विश्वचषकातील 2022 च्या पहिल्या सामन्यात कट्टर प्रतिस्पर्धी पाकिस्तानला 4 विकेटने लोलवले. पाकिस्तानकडून मिळालेल्या 160 धावांच्या लक्ष्याचा पाठलाग करताना भारतीय संघाने (Team India) पहिल्या चार षटकांतच केएल राहुल (KL Rahul) आणि कर्णधार रोहित शर्मा (Rohit Sharma) या दोन्ही सलामीवीरांच्या विकेट्स गमावल्या. यानंतरही संघाची स्थिती चांगली नव्हती आणि त्यांनी 31 धावांपर्यंत चार विकेट गमावल्या. येथून आघाडी घेत विराट कोहली (Virat Kohli) आणि हार्दिक पांड्याने (Hardik Pandya) संघाला अविश्वसनीय विजय मिळवून दिला.

विराट कोहलीने राहुल द्रविडला टाकले मागे

कोहलीने या सामन्यात हार्दिकसोबत पाचव्या विकेटसाठी 78 चेंडूत 113 धावांची भागीदारी केली. माजी कर्णधाराने 53 चेंडूंत सहा चौकार आणि चार षटकारांच्या मदतीने नाबाद 82 धावांची खेळी केली. आपल्या खेळीच्या जोरावर कोहलीने आंतरराष्ट्रीय क्रिकेटमध्ये विशेष स्थान मिळवले आहे. आंतरराष्ट्रीय क्रिकेटमध्ये सर्वाधिक धावा करणारा विराट आता जगातील सहावा फलंदाज ठरला आहे. किंग कोहलीने या प्रकरणात देशबांधव आणि टीम इंडियाचे सध्याचे प्रशिक्षक राहुल द्रविडला मागे टाकले आहे.

विराटच्या आंतरराष्ट्रीय क्रिकेटमध्ये 24,212 धावा 

विराटच्या आता आंतरराष्ट्रीय क्रिकेटमध्ये 24,212 धावा आहेत. त्याने 528 सामन्यांमध्ये या धावा केल्या आहेत. द्रविडच्या आंतरराष्ट्रीय क्रिकेटमध्ये 24,208 धावा आहेत. कोहली सध्या T20 आंतरराष्ट्रीय क्रिकेटमध्ये सर्वाधिक धावा करणारा फलंदाज आहे. कोहलीच्या नावावर खेळाच्या सर्वात लहान फॉरमॅटमध्ये 110 सामन्यांमध्ये 3794 धावा आहेत. (हे देखील वाचा: India VS Pakistan: पाकिस्तान विरुध्दच्या दणदणीत विजयानंतर विराट-हार्दिकची विशेष मुलाखत, पहा व्हिडीओ)

आंतरराष्ट्रीय क्रिकेटमध्ये सर्वाधिक धावा करणारे जगातील टाॅप 6 फलंदाज

सचिन तेंडुलकर (भारत) - 34,257

कुमार संगकारा (श्रीलंका) - 28,016

रिकी पाँटिंग (ऑस्ट्रेलिया) - 27,483

महेला जयवर्धने (श्रीलंका) – 25,957

जॅक कॅलिस (दक्षिण आफ्रिका) - 25,534

विराट कोहली (भारत) - 24,212