केएल राहुलने कथित गर्लफ्रेंड अथिया शेट्टी ची उडवली खिल्ली, 'अपेक्षा आणि सत्य' यातील शेअर केला फरक, पाहा Post

क्रिकेट हा भारतातील एक अतिशय लोकप्रिय खेळ आहे, जो प्रत्येक वेळी क्रिकेटपटूंना चर्चेत ठेवतो. बॉलिवूड अभिनेता सुनील शेट्टी यांची मुलगी अथियासोबत (Athiya Shetty) नात्यात असल्याची अफवा पसरवणाऱ्या भारतीय संघाचा फलंदाज केएल राहुलचीही (KL Rahul) अशीच स्थिती आहे. राहुल-अथियाचे नात्याची चर्चा संपण्याचं नाव घेत नाही आणि या विषयावर दोघांनी मौन साधले आहे. राहुलने आपल्या इन्स्टाग्राम अकाऊंटवरील स्टोरीवर एक फोटो शेअर करुन या वृत्तावर जोर दिला आहे. भारतीय सलामी फलंदाज काही काळापासून उत्कृष्ट फॉर्ममध्ये आहे आणि आपल्या दमदार कामगिरीमुळे तो प्रसिद्धीच्या शिखर गाठत आहे. विशेषत: मर्यादित षटकांच्या क्रिकेटमध्ये राहुलने बर्‍यापैकी यश मिळवले आहे. टी-20 मध्ये सलामी फलंदाज म्हणून तो बराच यशस्वी झाला आहे, तर वनडेमध्ये त्याने मधल्या फळीला चांगल्याप्रकारे सांभाळले आहे. या दोन्ही स्वरूपात चमकदार कामगिरी केल्याने राहुलचं बरंच कौतुक केलं जात आहे.

पण राहुलने शेअर केलेल्या इन्स्टाग्राम स्टोरीमुळे तो पुन्हा एकदा चर्चेत बनला आहे. राहुलने बनाना (केळी) पावची (Banana Bread) एक स्टोरी शेअर केली ज्यात त्याने अपेक्षा आणि सत्यामधील फरक वर्णन केला गेला. या स्टोरीमध्ये क्रिकेटरने आथिया शेट्टीला टॅग देखील केले आहे, ज्यावरून बॉलिवूड अभिनेत्रीने क्रिकेटरसाठी ही बेक केलेला ब्रेड भाजल्याचे दिसत आहे. राहुलने अथियाद्वारे बनवलेला जळलेला ब्रेडचा एक फोटो शेअर केला आणि तिला टॅग केले. अथियाने तिच्या स्टोरीमध्ये जळलेल्या ब्रेडचा फोटोही शेअर केला आणि लिहिले की तिला जे बनवायचे आहे ते ओव्हनमध्ये जळले.

राहुल आणि अथियाच्या नात्याबाबत बर्‍याच दिवसांपासून चर्चा सुरु आहे. दोघांनी आतापर्यंत याबद्दल स्पष्टपणे काहीही सांगितले नाही. मात्र, दोघेही सोशल मीडियावर एकमेकांचे फोटो शेअर करताना दिसत आहेत. मागील वर्षी, ते दोघे सुट्टीच्या दिवसात मालदीवमध्ये गेले होते तेथे त्यांनी मित्रांसह फोटो शेअर केले. काही महिन्यांपूर्वी राहुलने अथियाबरोबर एक फोटो शेअर केला होता, ज्यामध्ये तो एका फोन कॉलवर पोज देत आहे, तर अभिनेत्री त्याच्याकडे पाहून हसत आहे. या फोटोसह राहुलने सुनील शेट्टी याचे प्रसिद्ध डायलॉग शेअर केले आणि लिहिले, 'हॅलो देवी प्रसाद...?'

(The above story first appeared on LatestLY on Mar 19, 2020 04:02 PM IST. For more news and updates on politics, world, sports, entertainment and lifestyle, log on to our website latestly.com).