इंडियन प्रीमियर लीगच्या 16 व्या हंगामातील 60 वा सामना आज राजस्थान रॉयल्स आणि रॉयल चॅलेंजर्स बंगळुरू (RR vs CSK) यांच्यात खेळला गेला. दोन्ही संघांमधील हा सामना राजस्थानचे होम ग्राउंड असलेल्या सवाई मानसिंग स्टेडियमवर खेळला गेला. या सामन्यात रॉयल चॅलेंजर्स बंगळुरूने राजस्थान रॉयल्सचा 112 धावांनी पराभव केला. तत्पूर्वी, रॉयल चॅलेंजर्स बंगळुरूचा कर्णधार फाफ डू प्लेसिसने नाणेफेक जिंकून प्रथम फलंदाजी करण्याचा निर्णय घेतला. नाणेफेक जिंकून रॉयल चॅलेंजर्स बंगळुरूच्या संघाने प्रथम फलंदाजी करताना निर्धारित 20 षटकांत 5 गडी गमावून 171 धावा केल्या. रॉयल चॅलेंजर्स बंगळुरूसाठी सलामीवीर फाफ डू प्लेसिसने सर्वाधिक 55 धावांची खेळी खेळली. राजस्थान रॉयल्सकडून अॅडम झम्पा आणि केएम आसिफने प्रत्येकी दोन गडी बाद केले. लक्ष्याचा पाठलाग करताना राजस्थान रॉयल्सचा संघ 10.3 षटकांत केवळ 59 धावांवर गारद झाला. राजस्थान रॉयल्सकडून शिमरॉन हेटमायरने सर्वाधिक 35 धावा केल्या. रॉयल चॅलेंजर्स बंगळुरूकडून वेन पारनेलने सर्वाधिक तीन बळी घेतले.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)