MS Dhoni Surgery Successful: चेन्नई सुपर किंग्जचा कर्णधार महेंद्रसिंग धोनीच्या गुडघ्यावर मुंबईत यशस्वी शस्त्रक्रिया; लवकरच मिळणार डिस्चार्ज
चेन्नई सुपर किंग्जला पाचवे आयपीएल विजेतेपद मिळवून देणाऱ्या धोनीने सोमवारी अंतिम फेरीनंतर अहमदाबादहून थेट मुंबई गाठली. शस्त्रक्रियेबाबत त्याने प्रसिद्ध क्रीडा ऑर्थोपेडिक सर्जन डॉ. दिनशॉ परडीवाला यांचा सल्ला घेतला होता.
भारताचा माजी कर्णधार महेंद्रसिंग धोनीच्या डाव्या गुडघ्यावर गुरुवारी मुंबईतील रुग्णालयात यशस्वी शस्त्रक्रिया करण्यात आली. चेन्नई सुपर किंग्जला पाचवे आयपीएल विजेतेपद मिळवून देणाऱ्या धोनीने सोमवारी अंतिम फेरीनंतर अहमदाबादहून थेट मुंबई गाठली. शस्त्रक्रियेबाबत त्याने प्रसिद्ध क्रीडा ऑर्थोपेडिक सर्जन डॉ. दिनशॉ परडीवाला यांचा सल्ला घेतला होता. हे डॉक्टर बीसीसीआयच्या वैद्यकीय पॅनेलमध्ये देखील आहेत व त्यांनी ऋषभ पंतसह अनेक भारतीय क्रिकेटपटूंवर शस्त्रक्रिया केल्या आहेत. सूत्रांनी सांगितले की, कोकिलाबेन हॉस्पिटलमध्ये धोनीच्या गुडघ्याचे यशस्वी ऑपरेशन झाले. आता तो बरा असून एक-दोन दिवसांत त्याला डिस्चार्ज मिळेल. यानंतर धोनी काही दिवस विश्रांती घेईल. पुढच्या आयपीएलपूर्वी तंदुरुस्त होण्यासाठी त्याला पूर्ण वेळ आराम मिळेल अशी आशा आहे. धोनी यंदाचा संपूर्ण हंगाम डाव्या गुडघ्यावर पट्टी बांधून खेळला. (हेही वाचा: New Team India Jersey: भारतीय संघाला मिळणार नवीन जर्सी; Adidas ने लाँच केले Test, ODI आणि T20I साठी नवीन किट)
Chennai Super Kings captain Mahendra Singh Dhoni undergoes successful knee surgery in Mumbai: IPL sources
— Press Trust of India (@PTI_News) June 1, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 01, 2023 07:51 PM IST. For more news and updates on politics, world, sports, entertainment and lifestyle, log on to our website latestly.com).
