TATA Mumbai Marathon 2025: मुंबईमध्ये 19 जानेवारी रोजी टाटा मॅरेथॉन 2025 चे आयोजन; स्पर्धकांसाठी रस्ता उपलब्ध करून देण्यासाठी वाहतुकीमध्ये बदल, घ्या जाणून
रविवारी, म्हणजेच 19 जानेवारी 2025 रोजी बृहन्मुंबई टाटा मॅरेथॉनचे आयोजन करण्यात आलेले आहे. या दिवशी सकाळी 3 ते दुपारी 2 पर्यंत, मॅरेथॉन स्पर्धकांसाठी रस्ता उपलब्ध करून देण्यासाठी, मॅरेथॉन मार्गावर काही वाहतूक बदल करण्यात येत आहे.
TATA Mumbai Marathon 2025: येत्या रविवारी, म्हणजेच 19 जानेवारी 2025 रोजी बृहन्मुंबई टाटा मॅरेथॉनचे आयोजन करण्यात आलेले आहे. या दिवशी सकाळी 3 ते दुपारी 2 पर्यंत, मॅरेथॉन स्पर्धकांसाठी रस्ता उपलब्ध करून देण्यासाठी, मॅरेथॉन मार्गावर काही वाहतूक बदल करण्यात येत आहे. माहितीनुसार, टाटा मॅरेथॉन दरम्यान, फुल मॅरेथॉन हौशी (ॲम्युचर), फुल मॅरेथॉन (इलाईट), अर्ध मॅरेथॉन आणि पोलीस कप, 10 किलोमीटर रन, चॅम्पीयन्स विथ डिसअॅबीलीटी रन, सिनीयर सिटीझनस रन, ड्रिम रन अशा सात स्पर्धांचा समावेश आहे. सदर मॅरेथॉनचा मार्ग हा दक्षिण तसेच मध्य वाहतूक विभाग हद्दीतील आझाद मैदान, कुलाबा, मरीन ड्राईव्ह, काळबादेवी, डी. बी. मार्ग, ताडदेव, वरळी, बांदा, दादर व माहिम वाहतुक परिसरातील आहे. सदर दिवशी मॅरेथॉन स्पर्धकांसाठी रस्ता उपलब्ध करून देण्यासाठी, सदर मार्गावरील वाहतुकीस पर्यायी व्यवस्था करून इतरत्र वळविणेकरीता आणि वाहतूकीचे योग्य ते व्यवस्थापन करण्यासाठी आदेश पारीत केले आहेत. अॅम्ब्युलन्स, फायर ब्रिगेड, दुध, गॅस, पालेभाज्या इत्यादी अत्यावश्यक सेवा देणाऱ्या वाहनांना सदर रस्त्यावर वाहतूकीस मुभा देण्यात येईल. (हेही वाचा: Tata Mumbai Marathon 2025 साठी मध्य रेल्वे, बेस्ट बस कडून विशेष सेवा चालवली जाणार)
टाटा मॅरेथॉन 2025 वाहतूक बदल-
दि. १९/०१/२०२५ रोजी #TataMarthon2025 चे आयोजन करण्यात आलेले आहे. या दिवशी सकाळी ३.०० ते दुपारी २.०० पर्यंत, मॅरेथॉन स्पर्धकांसाठी रस्ता उपलब्ध करून देण्यासाठी तसेच सदर मार्गावरील व्यवस्थापन करण्यासाठी पुढीलप्रमाणे आयोजन करण्यात आले आहे.#MTPTrafficeUpdates pic.twitter.com/tw8ZRcCSn0
— Mumbai Traffic Police (@MTPHereToHelp) January 17, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 17, 2025 03:01 PM IST. For more news and updates on politics, world, sports, entertainment and lifestyle, log on to our website latestly.com).
