Lok Sabha Elections 2024: शरद पवार यांच्या राष्ट्रवादी काँग्रेसने जाहीर केली उमेदवारांची पहिली यादी; बारामतीतून सुप्रिया सुळे यांना उमेदवारी

Sharad Pawar's NCPs First List Of Candidates: शरद पवार यांच्या राष्ट्रवादी काँग्रेसने महाराष्ट्र लोकसभा निवडणूक 2024 साठी पहिली यादी जाहीर केली आहे. शरद पवार गटाने 5 जागांसाठी उमेदवार जाहीर केले आहेत. जयंत पाटील यांनी पत्रकार परिषदेद्वारे सर्व उमेदवारांची नावे जाहीर केली. शरद पवार यांच्या कन्या आणि राष्ट्रवादीच्या ज्येष्ठ नेत्या सुप्रिया सुळे यांना बारामतीतून उमेदवारी देण्यात आली आहे. याशिवाय वर्ध्यातून अमर काळे, दिंडोरीतून भास्करराव बागरे, शिरूरमधून डॉ.अमोल कोल्हे आणि अहमदनगरमधून  नीलेश लंके यांना तिकीट देण्यात आले आहे.

महाविकास आघाडी (MVA) अंतर्गत पक्षाला 10 जागा मिळतील आणि लवकरच सर्व जागांवर उमेदवार उभे केले जातील, असे राष्ट्रवादी काँग्रेसचे शरद पवार यांनी सांगितले होते. याबाबत शुक्रवारी बैठक झाली असून या बैठकीत लोकसभेच्या 10 जागांवर चर्चा करण्यात आली. आज जाहीर झालेली ही पहिली यादी असून दुसरी यादी जाहीर करणार असल्याचे जयंत पाटील यांनी सांगितले आहे. त्यामुळे दुसऱ्या यादीत पवार गटाला किती जागा मिळतात याकडे सर्वांचे लक्ष लागले आहे. पवार गटाच्या यादीत साताऱ्याची जागा जाहीर झालेली नाही. श्रीनिवास पाटील यांनी साताऱ्यातून निवडणूक लढवण्यास नकार दिला आहे. त्यामुळे याठिकाणी शरद पवार कोणाला उमेदवारी देतात, याकडे सर्वांच्या नजरा लागल्या आहेत. शरद पवार काल सातारा दौऱ्यावर होते. यावेळी त्यांनी कार्यकर्ते व नेत्यांशी चर्चा केली. (हेही वाचा: Lok Sabha Election 2024: शरद पवार यांच्या राष्ट्रवादीची एकनाथ शिंदेंची शिवसेना आणि भाजपविरोधात तक्रार; निवडणूक आयोगाला लिहिले पत्र, जाणून घ्या कारण)

विजयाचा निर्धार पक्का करून 'राष्ट्रवादी काँग्रेस पार्टी - शरदचंद्र पवार' पक्षाच्या केंद्रीय संसदीय मंडळाने लोकसभा निवडणूक २०२४ ची पहिली उमेदवार यादी जाहीर केली आहे. आदरणीय खा. शरदचंद्र पवार साहेबांच्या साथीने दिल्लीच्या तख्तासमोर रणशिंग फुंकण्यासाठी तुतारी सज्ज आहे!… pic.twitter.com/oiXVgTvXP1

— Nationalist Congress Party - Sharadchandra Pawar (@NCPspeaks) March 30, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Mar 30, 2024 06:28 PM IST. For more news and updates on politics, world, sports, entertainment and lifestyle, log on to our website latestly.com).