Sexual Harassment: 'मुलीशी बोलण्याचा प्रयत्न करणे म्हणजे लैंगिक छळ नाही'; कोर्टाने POCSO केसमधून मुलाची केली निर्दोष मुक्तता
आईने घटनेची माहिती पोलिसांना दिली. त्यावरून या व्यक्तीला कुर्ला पोलिसांनी 3 एप्रिल 2017 रोजी अटक केली होती आणि एका आठवड्यानंतर त्याची जामिनावर सुटका करण्यात आली होती.
मुलीला थांबवून तिच्याशी बोलण्याचा प्रयत्न करणे म्हणजे लैंगिक छळ होत नाही, असे स्पष्ट करत विशेष न्यायालयाने एका पुरुषाची पॉक्सो केसमधून निर्दोष मुक्तता केली. विशेष न्यायाधीश कल्पना पाटील यांनी निरीक्षण नोंदवले की, मुलीने कधीही मुलाला बोलण्याबाबतची तिची अनास्था सांगितली नाही. त्यामुळे या प्रकरणात मुलगा दोषी ठरू शकत नाही. अहवालानुसार, मुलगी 2017 मध्ये कुर्ला येथील शाळेत 8 व्या वर्गात शिकत होती. त्या वर्षी 1 एप्रिल रोजी ती आणि तिच्या मैत्रिणी घरी परतत असताना गांधी मैदानाजवळ आरोपीने त्यांना अडवले आणि मुलीशी बोलण्याची उत्सुकता दर्शवली. मात्र मुलीने याला कोणताही प्रतिसाद दिला नाही व ती निघून गेली. त्यानंतर आरोपीने तिला पुन्हा तिच्या नावाने हाक मारली आणि नंतर त्याच्या दुचाकीवरून निघून गेला. यानंतर मुलीने घडलेला प्रकार तिच्या आईला सांगितला. आरोपीने महिनाभरापूर्वीही मुलीचा पाठलाग केल्याचा आरोप आहे.
त्यानंतर आईने घटनेची माहिती पोलिसांना दिली. त्यावरून या व्यक्तीला कुर्ला पोलिसांनी 3 एप्रिल 2017 रोजी अटक केली होती आणि एका आठवड्यानंतर त्याची जामिनावर सुटका करण्यात आली होती. आपण मुलीशी गैरवर्तन केल्याचा दावा करत, मुलीची आई आणि इतर लोकांनी आपल्याला मारहाण केल्याचा दावा आरोपीने केला आहे. त्यांच्या विरोधात तक्रार देण्यासाठी गेल्यावर त्यांनी आपल्यावरच गुन्हा दाखल केल्याचा आरोपही त्याने केला. आता विशेष न्यायमूर्तींनी सांगितले की, मुलीच्या तोंडी पुराव्यात असा कोणताही संदर्भ नाही की, तिने कधीही या मुलाशी बोलण्यात तिची अनास्था दाखवली. त्यामुळे या प्रकरणात मुलाला दोषी ठरवले जाऊ शकत नाही. (हेही वाचा: Transgenders Arrested by Navi Mumbai Police: सार्वजनिक ठिकाणी उपद्रव निर्माण करणाऱ्या 21 ट्रान्सजेंडर्सना नवी मुंबई पोलिसांकडून अटक)
पहा पोस्ट-
Mumbai: 'Wanting To Talk To A Girl Is Not Sexual Harassment', Says Court; Acquits Man In POCSO Case#Mumbai #Court #SexualHarassment #TalkingToGirl #POCSO @charulshahjoshi https://t.co/ExbFs9DyJW
— Free Press Journal (@fpjindia) July 31, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 01, 2024 05:12 PM IST. For more news and updates on politics, world, sports, entertainment and lifestyle, log on to our website latestly.com).
