Sexual Abuse: वाशी येथील मॉलच्या वॉशरूममध्ये 15 वर्षीय मुलाचे लैंगिक शोषण; आरोपीला अटक
आरोपी रिक्षाचालक असून त्याने मुलाला जबरदस्तीने वाशी येथील सेक्टर 30 ए येथील रघुलीला मॉलच्या शौचालयात नेले. तिथे गायकवाड याने मुलाचे लैंगिक शोषण केले आणि हा प्रकार कोणाला सांगितल्यास गंभीर परिणाम भोगण्याची धमकी दिली.
वाशी येथील रघुलीला मॉलच्या वॉशरूममध्ये एका 15 वर्षीय मुलाचे लैंगिक शोषण झाल्याची धक्कादायक घटना समोर आली आहे. या प्रकरणी वाशी पोलिसांनी 25 वर्षीय तरुणाला अटक केली आहे. रविवारी संध्याकाळी हा मुलगा त्याच्या मित्रांसह मॉलमध्ये गेला असताना ही घटना घडली. योगीराज निराकर गायकवाड असे अटक करण्यात आलेल्या आरोपीचे नाव असून तो नवी मुंबईतील रबाळे येथील रहिवासी आहे. पिडीत मुलाने घरी परतल्यावर घडलेला प्रकार सांगितल्यानंतर मुलाच्या वडिलांनी तक्रार दाखल केली. पोलिसांनी दिलेल्या माहितीनुसार, आरोपी रिक्षाचालक असून त्याने मुलाला जबरदस्तीने वाशी येथील सेक्टर 30 ए येथील रघुलीला मॉलच्या शौचालयात नेले. तिथे गायकवाड याने मुलाचे लैंगिक शोषण केले आणि हा प्रकार कोणाला सांगितल्यास गंभीर परिणाम भोगण्याची धमकी दिली. तक्रारीच्या आधारे गायकवाड याच्याविरुद्ध लैंगिक गुन्ह्यांपासून बालकांचे संरक्षण कायदा, 2012 च्या कलम 4, 8 आणि 12 नुसार गुन्हा दाखल करण्यात आला आणि त्यानंतर त्याला अटक करण्यात आली. (हेही वाचा: Kidnapping News: वडिलाच्या मित्राने केलं पाच वर्षाच्या मुलीचे अपहरण, पोलीसांनी 48 तासांत आरोपीला घातल्या बेड्या)
#NaviMumbai : Man #Arrested for Allegedly Sexually Abusing 15-Year-Old Boy in Vashi Mall Washroom
| by @s_amit007#pocso https://t.co/kO8GIY6EK9
— Free Press Journal (@fpjindia) August 28, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 28, 2023 09:59 PM IST. For more news and updates on politics, world, sports, entertainment and lifestyle, log on to our website latestly.com).
