India's First Mobile Washroom For Women: मुंबईतील कांदिवली येथे सुरु झाले महिलांसाठी भारतातील पहिले फिरते स्नानगृह; जाणून घ्या उपलब्ध सुविधा
झोपडपट्टीमध्ये राहणाऱ्या महिलांसाठी स्नानगृहाची समस्या अतिशय त्रासदायक ठरते. हा त्रास कमी करण्यासाठी जिल्हा नियोजन समितीमार्फत भारतात फिरत्या स्नानगृहाचा पहिला प्रकल्प राबवला आहे.
मुंबईतील कांदिवली पूर्व येथे महिलांसाठी भारतातील पहिल्या अत्याधुनिक आणि उच्च दर्जाच्या फिरत्या स्नानगृहाचे उद्घाटन करण्यात आले. काळ कांदिवली पूर्वच्या हनुमान नगर येथे स्नानगृह उद्घाटन कार्यक्रम संपन्न झाला. झोपडपट्टीमधील भगिनींना स्नानगृहांचा अतिशय फायदा होणार असून, यामुळे स्वच्छ भारत घडवण्याच्या दृष्टीने आपण एक पाऊल पुढे जात आहोत, असे मंत्री लोढा यांनी यावेळी सांगितले. कांदिवली विधानसभा क्षेत्रात 12 तासांसाठी हे फिरते स्नानगृह महिलांना वापरासाठी सुरू राहील. झोपडपट्टीमध्ये राहणाऱ्या महिलांसाठी स्नानगृहाची समस्या अतिशय त्रासदायक ठरते. हा त्रास कमी करण्यासाठी जिल्हा नियोजन समितीमार्फत भारतात फिरत्या स्नानगृहाचा पहिला प्रकल्प राबवला आहे.
उपलब्ध सुविधा-
या बसमध्ये एकूण 5 स्नानगृहे आहेत, शॉवर आहेत, 2100 लिटर इतकी पाण्याची क्षमता आहे, बेसिन आणि इतर आवश्यक सुविधा आहेत. विशेष म्हणजे या बसमध्ये महिलांना आपले कपडे वाळवण्यासाठी 2 ड्रायर मशीन सुद्धा उपलब्ध करून देण्यात आल्या आहेत. विद्युत पुरवठ्यासाठी येथे जनरेटर्सचा वापर करण्यात येणार आहे. पाण्याचा आणि वेळेचा अपव्यय टाळण्यासाठी तसेच योग्य नियोजनातून सर्वांना स्नानगृहाचा वापर करण्याची संधी मिळावी यासाठी या स्नानगृहात महिला कर्मचारी सुद्धा नियुक्त करण्यात येणार आहेत. (हेही वाचा: My Preferred CIDCO Home Prices: माझे पसंतीचे सिडकोचे घर योजनेमधील 26 हजार घरांच्या किंमती जाहीर; 10 जानेवारी पर्यंत करा नोंदणी)
महिलांसाठी भारतातील पहिले फिरते स्नानगृह-
भारतातील पहिल्या फिरत्या स्नानगृहाच्या उद्घाटन कार्यक्रमाप्रसंगी उपस्थित माध्यमांशी संवाद साधला.#MobileBathroom #MumbaiSuburban pic.twitter.com/i6Dyn1ZfzE
— Mangal Prabhat Lodha (@MPLodha) January 8, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 09, 2025 09:43 AM IST. For more news and updates on politics, world, sports, entertainment and lifestyle, log on to our website latestly.com).
