Loksabha Election 2024: मतदारांसाठी निवडणूक आयोगाच्या खास सुविधा; केंद्रावर उपलब्ध असणार पाणी, रॅम्प, स्वच्छतागृहे, शेड, बेंच, इंटरनेट कनेक्टिव्हिटी

लोकसभा निवडणूक 2024 च्या अनुषंगाने मुंबई उपनगर जिल्ह्यात प्रत्येक मतदान केंद्रावर मतदारांसाठी किमान आवश्यक सुविधा उपलब्ध करून देण्यात येणार असल्याचे जिल्हाधिकारी तथा जिल्हा निवडणूक अधिकारी राजेंद्र क्षीरसागर यांनी सांगितले आहे. मुंबई उपनगर जिल्ह्यात ५३५२ कायमस्वरूपी तर २०३२ तात्पुरती अशी एकूण ७३८४ मतदान केंद्र असणार आहेत. प्रत्येक मतदान केंद्रावर पिण्याच्या पाण्याची व्यवस्था, दिव्यांग व वरिष्ठ नागरिकांसाठी रॅम्पची व्यवस्था, महिला आणि पुरूषांसाठी स्वतंत्र स्वच्छतागृहे आणि मोबाईल टॉयलेटची सुद्धा व्यवस्था करण्यात येणार आहे. उन्हाची अधिक  तीव्रता पाहता यावेळी विशेष म्हणून प्रत्येक मतदान केंद्रावर  ओ.आर.एस. उपलब्ध असणार आहे. ज्या मतदान केंद्रावर मतदारांची मोठ्या प्रमाणात रांग असेल त्या ठिकाणी तेथील मतदारांना बसण्यासाठी बेंच व चेअर, शेडची सुविधा उपलब्ध करून देण्यात येईल. तसेच वीजपुरवठा, इंटरनेट, फोन कनेक्टिव्हिटी उपलब्ध असणार आहे. प्रत्येक मतदान केंद्रावर वरिष्ठ नागरिक व दिव्यांग मतदारांच्या मदतीसाठी स्वयंसेवकांचीही नियुक्ती करण्यात येणार असल्याची माहिती निवडणूक शाखेने दिली आहे. (हेही वाचा: Nana Patole On Ram Temple: INDIA आघाडी लोकसभा निवडणूक जिंकल्यास राम मंदिराचे शुद्धीकरण करू; नाना पटोले यांचे वादग्रस्त वक्तव्य)

पहा पोस्ट-

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on May 10, 2024 09:38 PM IST. For more news and updates on politics, world, sports, entertainment and lifestyle, log on to our website latestly.com).