मुंबई लोकलच्या प्रवाशांनी आज "Wear Your White" म्हणत अनोखं आंदोलन छेडल्याचं पहायला मिळालं आहे. मुंबईच्या लोकल मध्ये सध्या वाढती गर्दी आणि व्यवस्थापनाचा ढिसाळ कारभार पाहता काही रेल्वे संघटनांनी आज अनोख्या माध्यमातून निषेध नोंदवला. प्रवाशांनी संपूर्ण पांढरे कपडे परिधान केले होते तर हातात निषेधाच्या काळ्या फिती बांधल्या होत्या. सोशल मीडीयात या आंदोलनाचे फोटोज, व्हिडिओज झपाट्याने शेअर केले जात आहेत.  14 ऑगस्टला रेल्वे अधिकारी आणि प्रवासी संघटनेच्या झालेल्या बैठकीमध्ये या आंदोलनाचा निर्णय घेण्यात आला. आज प्रवासी संघटनांनी 25 हजार काळ्या फिती वाटल्या आहेत. बैठकीमध्ये अपेक्षित बोलणी न झाल्याने आजचं हे आंदोलन आहे. Mumbai Local Updates: पश्चिम रेल्वे मार्गावर आजही AC मुंबई लोकलच्या काही फेर्‍या तांत्रिक त्रृटींमुळे Non AC धावणार; इथे पहा वेळापत्रक.   

"Wear Your White" आंदोलनामध्ये प्रवासी

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)