Mizoram Election Result Date: मिझोरम विधानसभा निवडणुकीच्या निकालाची तारीख बदलली; निवडणूक आयोगाची माहिती
निवडणूक आयोगाने यापूर्वी जाहीर केलेल्या कार्यक्रमानुसार, राजस्थान, मध्य प्रदेश, छत्तीसगड आणि तेलंगणा या राज्यांसह मिझोराममध्ये 3 डिसेंबर रोजी मतमोजणी होणार होती.
Mizoram Elections 2023 Counting Date: मिझोरम विधानसभेच्या सार्वत्रिक निवडणुकीच्या मतमोजणीची तारीख बदलण्यात आली आहे. भारत निवडणूक आयोगाने यासंदर्भात माहिती दिली आहे. आयोगाने म्हटले आहे की मतमोजणीची तारीख 3 डिसेंबर 2023 (रविवार) वरून ती 4 डिसेंबर 2023 (सोमवार) अशी सुधारित करण्यात आली आहे. निवडणूक आयोगाने यापूर्वी जाहीर केलेल्या कार्यक्रमानुसार, राजस्थान, मध्य प्रदेश, छत्तीसगड आणि तेलंगणा या राज्यांसह मिझोराममध्ये 3 डिसेंबर रोजी मतमोजणी होणार होती. आता मिझोरामच्या संदर्भात ही तारीख एक दिवस पुढे करण्यात आली आहे. निवडणूक आयोगाने सांगितले की, मिझोरमच्या लोकांसाठी रविवारचे विशेष महत्त्व आहे. या कारणास्तव तारीख बदलण्यात आली आहे. अनेकांनी तारीख बदलण्यास सांगितले होते. मिझोरममध्ये विधानसभेच्या 40 जागा आहेत. यावेळी राज्यात एकूण 174 उमेदवार निवडणुकीच्या मैदानात आपले नशीब आजमावत आहेत. येथील सर्व 40 जागांसाठी 7 नोव्हेंबर रोजी मतदान झाले होते. (हेही वाचा: Polls Of Poll: पाच राज्यांतील विधानसभा निवडणुकांचे एक्झीट पोल्स निकाल घ्या जाणून)
मिझोरम विधानसभा निवडणूक मतमोजणी तारीख-
Date of counting for #MizoramElections2023 has been changed from Sunday to Monday
Details here: https://t.co/XeEKklerRn
— Spokesperson ECI (@SpokespersonECI) December 1, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Dec 01, 2023 10:07 PM IST. For more news and updates on politics, world, sports, entertainment and lifestyle, log on to our website latestly.com).
