Saif Ali Khan Gets Discharged From Hospital: हल्ल्यानंतर अखेर सैफ अली खानला रुग्णालयातून डिस्चार्ज; पूर्ण विश्रांतीचा सल्ला
माहितीनुसार, मोहम्मद शेहजाद हल्लेखोर 16 जानेवारीच्या पहाटे घर लुटण्याच्या उद्देशाने सैफच्या घरात घुसला होता. परंतु जेव्हा अभिनेत्याने त्याला रोखण्याचा प्रयत्न केला तेव्हा त्याने सैफवर हल्ला केला.
बॉलीवूड स्टार सैफ अली खानला त्याच्या वांद्रे येथील निवासस्थानी झालेल्या हल्ल्यानंतर, अखेर मुंबईतील लीलावती रुग्णालयातून डिस्चार्ज देण्यात आला. आज, मंगळवारी सैफ अली खानला रुग्णालयातून सोडण्यात आले. हल्ल्यानंतर 16 जानेवारीला त्याच्यावर मोठी शस्त्रक्रिया झाली, त्यानंतर तो मंगळवारी दुपारी करीना कपूर खानसोबत घरी परतला. हल्ल्यामध्ये सैफला सहा जखमा झाल्या होत्या, त्यापैकी दोन खूप खोल होत्या आणि एक अभिनेत्याच्या पाठीच्या कण्याजवळ होती. लीलावती रूग्णालयात सैफवर उपचार करणाऱ्या डॉक्टरांनी शस्त्रक्रियेने त्याच्या पाठीतील चाकूचा 2.5 इंच तुटलेला तुकडा काढून टाकला आणि आता त्याला पूर्ण विश्रांतीचा सल्ला देण्यात आला आहे.
दुसरीकडे, रविवारी सैफच्या हल्लेखोराला ठाण्यातील लेबर कॅम्पमधून अटक करण्यात आली. पोलिसांनी दिलेल्या माहितीनुसार, मोहम्मद शेहजाद हल्लेखोर 16 जानेवारीच्या पहाटे घर लुटण्याच्या उद्देशाने सैफच्या घरात घुसला होता. परंतु जेव्हा अभिनेत्याने त्याला रोखण्याचा प्रयत्न केला तेव्हा त्याने सैफवर हल्ला केला. पोलिसांनी दावा केला की, शेहजाद हा बांगलादेशी नागरिक असून तो गेल्या काही महिन्यांपासून मुंबईत बेकायदेशीरपणे राहत होता. अहवालात असा दावाही करण्यात आला आहे की, पोलिसांना शेहजाद बांगलादेशसाठी राष्ट्रीय स्तरावरील कुस्ती चॅम्पियन असल्याचे आढळले. (हेही वाचा: Saif Ali Khan Attack Case मध्ये आरोपी Mohammad Shariful Islam Shehzad चा छडा लावणार्या 75 जणांच्या टीमचे Joint CP Satyanarayan Chaudhary कडून विशेष कौतुक)
Saif Ali Khan Gets Discharged From Hospital:
Actor Saif Ali Khan discharged from Lilavati hospital after five days.https://t.co/UWE2KOXtTm
— The Hindu (@the_hindu) January 21, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 21, 2025 03:54 PM IST. For more news and updates on politics, world, sports, entertainment and lifestyle, log on to our website latestly.com).
