Raosaheb Antapurkar Passes Away: नांदेडचे काँग्रेस आमदार रावसाहेब अंतापूरकर यांचे मुंबईत कोविड 19 उपचारादरम्यान निधन

कॉंग्रेस आमदार रावसाहेब अंतापूरकर (Raosaheb Antapurkar) यांचे काल कोरोना उपचारादरम्यान मुंबई मध्ये निधन झाले आहे. ते 55 वर्षांचे होते. नांदेड मधील देगलूर-बिलोली विधानसभा मतदारसंघाचे ते प्रतिनिधित्व करत होते. मात्र काल त्यांची उपचारादरम्यान प्राणज्योत मालवली. कॉंग्रेस नेते आणि मंत्री अशोक चव्हाण (Ashok Chavan) यांनी ट्वीट करत त्यांच्या निधनाची बातमी दिली आहे. दरम्यान रावसाहेब अंतापूरकर हे अशोक चव्हाणांच्या निकवर्तीयांपैकी एक होते. COVID-19 Cases in Mumbai: मुंबईत आज 9200 नव्या रुग्णांसह कोरोना बाधितांची एकूण संख्या 5 लाख 898 वर.

नांदेड मध्ये काही दिवसांपूर्वी रावसाहेब यांची कोविड चाचणी केल्यानंतर ते पॉझिटीव्ह असल्याचं समजलं होते. त्यानंतर त्यांच्यावर नांदेडमधील रूग्णालयात उपचार झाले पण प्रकृती खालावत असल्याने त्यांना मुंबईत बॉम्बे हॉस्पिटल मध्ये उपचारासाठी दाखल करण्यात आले होते. पण त्यांना वाचवण्यात डॉक्टरांना यश आलेले नाही.

अशोक चव्हाण ट्वीट

माझे निकटचे सहकारी व देगलूर विधानसभा मतदारसंघाचे काँग्रेस आमदार रावसाहेब अंतापूरकर यांचे बॉम्बे हॉस्पिटल, मुंबई येथे थोड्या वेळापूर्वी निधन झाले.

आ. रावसाहेब अंतापूरकर यांना भावपूर्ण श्रद्धांजली व त्यांच्या कुटुंबियांना हे अपरिमित दुःख सहन करण्याची शक्ती मिळो, ही प्रार्थना. pic.twitter.com/WxNc51ovsO

— Ashok Chavan (@AshokChavanINC) April 9, 2021

दरम्यान कोविड 19 च्या संकटामध्ये कोरोनामुळे गमावलेले रावसाहेब अंतापूरकर हे दुसरे आमदार आहेत. काही महिन्यांपूर्वी एनसीपी आमदार भारत भालके यांचे निधन झाले होते. ते पंढरपूर- मंगळवेढा मतदारसंघाचे नेतृत्त्व करत होते. आता येथील पोट निवडणूकीमध्ये त्यांच्या मुलाला भगिरथ भालके ला आमदारकीचं तिकीट देण्यात आले आहे.

(The above story first appeared on LatestLY on Apr 10, 2021 08:51 AM IST. For more news and updates on politics, world, sports, entertainment and lifestyle, log on to our website latestly.com).