Water Cut | Image Used For representational Purpose | Pixabay.com

नुकतेच दुरुस्तीच्या कारणस्तव मुंबई शहरात पाणी कपात (Mumbai Water Cut) करण्यात आली होती. आता माहिती मिळत आहे की, मुंबई शहराला पाणीपुरवठा करणाऱ्या सात तलावांमध्ये सध्या त्यांच्या एकूण क्षमतेच्या 65 टक्के पाणीसाठा आहे. गेल्या दोन वर्षांतील हा सर्वात कमी साठा असल्याने उन्हाळ्यात नागरिकांना पाणीटंचाईला सामोरे जावे लागू शकते. नागरी गणनेनुसार, सध्याचा पुरवठा 15 जुलैपर्यंत टिकू शकतो. मात्र, पुढील तीन महिन्यांत पाणीकपात लागू करण्याबाबत निर्णय घेतला जाईल, असा दावा एका अधिकाऱ्याने केला आहे.

गेल्या वर्षी तलावांमध्ये 7 टक्क्यांपेक्षा कमी पाणीसाठा असल्याने 1 जुलैपासून शहरात 10 टक्के पाणीकपात करण्यात आली होती. शहराची पाण्याची मागणी पूर्ण करण्यासाठी बीएमसीने अप्पर वैतरणा आणि भातसा तलावांच्या राखीव कोट्याचा वापर केला. त्यानंतर जुलैमध्ये झालेल्या मुसळधार पावसाने तलाव भरले, त्यामुळे महिनाभरात पाणीकपात मागे घेण्यात आली.

ऑगस्ट आणि सप्टेंबरमध्ये अधूनमधून पडणाऱ्या पावसाने 1 ऑक्टोबरपर्यंत पाण्याची पातळी 99 टक्क्यांपर्यंत वाढवली. सध्या, तलावांमध्ये 65 टक्के पाणीसाठा आहे, जो गेल्या वर्षी 70 टक्के आणि 2022 मध्ये 72 टक्के होता. एका वरिष्ठ नागरी अधिकाऱ्याच्या म्हणण्यानुसार, तीन दिवसांच्या पुरवठ्यासाठी 1 टक्के पाणीसाठा पुरेसा आहे. सध्याचा साठा 15 जुलैपर्यंत राहील. गेल्या वर्षी मुंबईत मान्सूनचे उशिरा आगमन आणि लवकर माघार, तसेच पावसाची अनुपस्थि यामुळे ऑक्टोबरच्या पावसाने गेल्या दोन वर्षातील सर्वात कमी तलाव पातळीत योगदान दिले आहे. (हेही वाचा: Mumbai Trans Harbour Link: मुंबई ट्रान्स हार्बर लिंकवर प्रवाशांना एकेरी प्रवासासाठी मोजावे लागणार 250 रुपये; MTHL ठरला मुंबईला जोडणारा सर्वात महाग महामार्ग)

अधिकारी भातसा आणि अप्पर वैतरणा तलावातील राखीव साठ्यातून पाणी काढण्यासाठी राज्य सरकारची परवानगी घेणार आहेत. पी वेलरासू, अतिरिक्त महापालिका आयुक्त (प्रकल्प) यांच्यानुसार मुंबईसाठी सध्याचा साठा पुरेसा आहे, त्यामुळे पाणीकपातीची काळजी करण्याची गरज नाही. मात्र पुढील काही महिन्यांत पाणी कपातीचा निर्णय घ्यावा लागू शकतो.