Maharashtra Weather Forecast Updates: मुंबई, पुणे सह मध्य महाराष्ट्रात पुन्हा 2-3 दिवस पावसाचे; हवामान खात्याचा अंदाज
मागील 24 तासांमध्ये मुंबई, पुणे, ठाणे सह काही ठिकाणी तुरळक पाऊस झाला आहे. हा ट्रेंड पुढील काही दिवस असाच राहण्याची शक्यता आहे.
महाराष्ट्रात ऐन थंडीमध्ये पावसाळी वातावरण पहायला मिळत आहे. सध्या अरबी समुद्रामध्ये कमी दाबाचा पट्टा निर्माण झाल्याने हे वातावरणीय बदल दिसून येत असल्याचं सांगितलं जात आहे. दरम्यान हवामान खात्याने वर्तवलेल्या अंदाजानुसार, महाराष्ट्राच्या कोकण, पुणे, मुंबई आणि मध्य महाराष्ट्राच्या काही भागात पुढील 3 दिवस पाऊस बरसू शकतो. मराठवाडा, विदर्भामध्येही हलक्या सरींची शक्यता आहे. मागील 24 तासांमध्ये मुंबई, पुणे, ठाणे सह काही ठिकाणी तुरळक पाऊस झाला आहे. हा ट्रेंड पुढील काही दिवस असाच राहण्याची शक्यता आहे. अशी माहिती मुंबई प्रादेशिक हवामान शास्त्र विभागाचे उपमहासंचालक के एस होसाळीकर यांनी दिलं आहे. ठाणे, नाशिक, पुणे, रत्नागिरी आणि रायगडच्या काही भागांत हलका ते मध्यम पाऊस पडण्याची शक्यता आहे, असा अंदाज हवामान विभागाने वर्तवला आहे.
महाराष्ट्रात दक्षिण मध्य अरबी समुद्रात कमी दाबाचे क्षेत्र निर्माण झाले आहे. या भागातून कोकण ते उत्तर-मध्य महाराष्ट्रापर्यंत कमी दाबाचा पट्टा निर्माण झाला आहे. समुद्रातून बाष्प येत असल्याने राज्यातील हिवाळा गायब झाला आहे. सोबतच किमान तापमानात वाढ झाली आहे. तर काही ठिकाणी हलक्या पावसाच्या सरी बरसल्या आहेत. मुंबईत आजचं किमान तापमान 19.8 अंश सेल्सियस नोंदवण्यात आले आहे.
हवामान विभागाचा अंदाज
7 Jan 2021
Weather forecast updates for 24 hrs by IMD WRF Model guidance.
Interiors west Mah, pl watch 🌧⛅⛅🌧 https://t.co/jH9u0dClWd
— K S Hosalikar (@Hosalikar_KS) January 7, 2021
हवामान विभाग मुंबई, ट्विट
Thunderstorm accompanied with lightning and moderate to intense spell of likely to occur over parts of Thane, Nasik, Pune, Ratnagiri and Raigad. pic.twitter.com/j59gOumsGV
— Regional Meteorological Center,Mumbai (@RMC_Mumbai) January 7, 2021
हवामान विभागाच्या अंदाजानुसार, कोकणात आणि मध्य महाराष्ट्रात पुढील 2 दिवस म्हणजे 9 जानेवारीपर्यंत पावसाचं वातावरण असेल. काही ठिकाणी हा पाऊस मेघगर्जनेसह बरसणार आहे तर मराठवाडा आणि विदर्भात 8 जानेवारीपर्यंत पावसाळी वातावरण राहण्याची शक्यता वर्तवण्यात आली आहे.
(The above story first appeared on LatestLY on Jan 07, 2021 10:14 AM IST. For more news and updates on politics, world, sports, entertainment and lifestyle, log on to our website latestly.com).
