Sharad Pawar On Raj Thackeray: प्रत्येक पक्षाला आपली भूमिका मांडण्याचा अधिकार, शरद पवारांनी दर्शवला राज ठाकरेंना पाठिंबा
शरद पवार म्हणाले, 'प्रत्येक पक्षाला आपली भूमिका मांडण्याचा अधिकार आहे. त्यानुसार त्यांनी हे पत्र लिहिले आहे. त्यामुळे त्यांच्या भूमिकेवर टीका करण्याचा प्रश्नच उद्भवत नाही. ही निवडणूक बिनविरोध व्हावी, असे मला आतून वाटते. यातून महाराष्ट्रातून देशाला चांगला संदेश जाईल.
मुंबईतील अंधेरी विधानसभा पोटनिवडणुकीसाठी (Andheri Assembly By-Elections) 3 नोव्हेंबरला मतदान होणार आहे. 6 नोव्हेंबरला मतमोजणी होणार आहे. दिवंगत आमदार रमेश लटके (Ramesh Latke) यांच्या पत्नी ऋतुजा लटके (Rutuja Latke) यांना शिवसेनेकडून उमेदवारी देण्यात आली आहे. शरद पवार (Sharad Pawar) यांचा पक्ष राष्ट्रवादी काँग्रेस (NCP) आणि काँग्रेस ठाकरे गटाच्या उमेदवाराला पाठिंबा देत आहेत. दुसरीकडे मुख्यमंत्री एकनाथ शिंदे यांची 'बाळासाहेबांची शिवसेना' भाजपचे उमेदवार मुरजी पटेल यांना पाठिंबा देत आहे. दरम्यान, अचानक राज ठाकरेंनी (Raj Thackeray) देवेंद्र फडणवीस यांना पत्र लिहून भाजपने उमेदवार मागे घेण्यास सांगितले आहे. यावर शरद पवार यांनी आपली प्रतिक्रिया दिली आहे.
शरद पवार यांनीही राज ठाकरेंच्या भूमिकेला एकप्रकारे पाठिंबा दिला असून ऋतुजा लटके यांची बिनविरोध निवड झाल्यास महाराष्ट्रातून चांगला संदेश जाईल, असे म्हटले आहे. शरद पवार म्हणाले, 'प्रत्येक पक्षाला आपली भूमिका मांडण्याचा अधिकार आहे. त्यानुसार त्यांनी हे पत्र लिहिले आहे. त्यामुळे त्यांच्या भूमिकेवर टीका करण्याचा प्रश्नच उद्भवत नाही. ही निवडणूक बिनविरोध व्हावी, असे मला आतून वाटते. यातून महाराष्ट्रातून देशाला चांगला संदेश जाईल.
शरद पवार पुढे म्हणाले, 'जो निवडला जाईल, त्या उमेदवाराला काम करण्यासाठी दीड वर्षाचाच वेळ मिळेल. त्यानंतर पुन्हा निवडणूक आहे. त्यामुळे ही निवडणूक बिनविरोध व्हावी, ही आपली संस्कृती राहिली आहे. गोपीनाथ मुंडे यांच्या निधनानंतर राष्ट्रवादीच्या वतीनेही मी अशीच भूमिका घेतली होती. निवडणूक बिनविरोध होण्याचे आवाहन करण्यास उशीर का झाला? असा सवाल केला असता शरद पवार म्हणाले की, इतर पक्ष बोलावत होते, म्हणून फोन केला नाही. हेही वाचा Congress Presidential Election: काँग्रेस अध्यक्षपद निवडणूक, राहुल गांधी कर्नाटक राज्यातून मतदान करण्याची शक्यता
राष्ट्रवादी काँग्रेस अध्यक्ष या नात्याने मी आता हे आवाहन करत आहे. अर्ज मागे घेण्यास अद्याप वेळ आहे. विलंब नाही, असे ते म्हणाले. आता मुरजी पटेल यांची उमेदवारी मागे घेण्याच्या निर्णयावर भाजप काय भूमिका घेते हे पाहावे लागेल. सोमवारी अर्ज मागे घेण्याची शेवटची तारीख आहे. भाजपच्या भूमिकेकडे सर्वांचे लक्ष लागले आहे.
(The above story first appeared on LatestLY on Oct 16, 2022 11:15 PM IST. For more news and updates on politics, world, sports, entertainment and lifestyle, log on to our website latestly.com).
