PMLA Case: मुंबईतील पीएमएलए प्रकरणात संवेदनशील माहिती लीक केल्याप्रकरणी ED कडून 2 कंत्राटी कर्मचाऱ्यांना अटक

PMLA Case: अंमलबजावणी संचालनालयाने (ED) मुंबईतील कार्यालयातील दोन कर्मचाऱ्यांना अटक केली आहे. त्याच्यावर गुप्त फाईल्स लीक केल्याचा आरोप आहे. हे दोन कर्मचारी पुण्यातील व्यापारी आणि सेवा विकास सहकारी बँकेचे माजी संचालक अमर मूलचंदानी यांच्या संपर्कात होते आणि दोघांनी "संवेदनशील" तपास माहिती सामायिक केली होती. ईडीने त्यांच्या दोन कर्मचार्‍यांव्यतिरिक्त माजी अध्यक्षांच्या निकटवर्तीयालाही अटक केली आहे.

माजी संचालकांविरुद्ध ईडीच्या छाप्यांमध्ये 'अडथळा' आणणे आणि पुरावे नष्ट केल्याच्या आरोपाखाली महाराष्ट्र पोलिसांनी 27 जानेवारी रोजी मूळचंदानी आणि त्यांच्या कुटुंबातील पाच सदस्यांना अटक केली होती. (हेही वाचा -Aaditya Thackeray On BMC CAG Report: कॅग अहवालाचे स्वागत, बीएमसी प्रमाणेच राज्यातील इतर पालिकांचिही चौकशी करा आदित्या ठाकरे)

फेडरल एजन्सीने एका निवेदनात म्हटले आहे की, तपासादरम्यान असे आढळून आले की, मुंबईतील ईडी कार्यालयाच्या परिसरात एक व्यक्ती वारंवार पाळत ठेवत होती. ईडीने पकडल्यानंतर, बबलू सोनकर हा अमर मूलचंदानीचा कर्मचारी होता आणि साक्षीदारांना धमकावणे, डेटा-एंट्री ऑपरेटर आणि ईडी कर्मचाऱ्याला लाचेची रक्कम देण्याचे काम त्याच्यावर सोपविण्यात आले होते.

ईडीच्या कर्मचाऱ्याने दिली कबुली -

एजन्सीने सांगितले की, सोनकरच्या ताब्यातून आपत्तिजनक कागदपत्रे जप्त करण्यात आली आहेत. याशिवाय, ईडीच्या कंत्राटी कर्मचाऱ्यांनी आपण अमर मूलचंदानीला संवेदनशील माहिती शेअर करत असल्याचे मान्य केले आहे. ईडीने दोन्ही कर्मचाऱ्यांना प्रिव्हेन्शन ऑफ मनी लाँडरिंग अॅक्ट (पीएमएलए) अंतर्गत अटक केली आहे.

429 कोटींचा घोटाळा

जानेवारीमध्ये ईडीने माजी संचालक अमर मूलचंदानी यांच्यासह सहकारी बँकेच्या काही संचालक मंडळांवर कारवाई केली होती. ईडीने त्यांच्या ठिकाणांवर छापे टाकले होते. सेवा विकास सहकारी बँकेला 429 कोटी रुपयांचा तोटा झाला आहे.

(The above story first appeared on LatestLY on Mar 25, 2023 05:11 PM IST. For more news and updates on politics, world, sports, entertainment and lifestyle, log on to our website latestly.com).