Kirit Somaiya Video: तक्रारीनंतर किरीट सोमय्यांकडून व्हिडीओ शेअर करत थेट राज्य सरकारला आव्हान, पहा नक्की काय म्हणाले ?
ठाकरे सरकारमधील बदमाश मंत्र्यांवर शेवटची कारवाई होईपर्यंत मी झुकणार नाही, मागे हटणार नाही. माझ्यावरील आरोपांची सर्व माहिती हायकोर्टात देऊ, असं किरीट सोमय्या म्हणाले.
शिवसेना नेते संजय राऊत (Sanjay Raut) यांनी INS विक्रांत विरोधात दाखल केलेल्या तक्रारीनंतर भाजप नेते आणि माजी खासदार किरीट सोमय्या (Kirit Somaiya) आणि त्यांचा मुलगा नील सोमय्या (Neil Somaiya) यांच्या विरोधात मुंबई पोलिसांत (Mumbai Police) गुन्हा दाखल करण्यात आला आहे. गुन्हा दाखल झाल्यानंतर किरीट सोमय्या अज्ञातवासात गेल्याची चर्चा आहे. तसेच सोमय्या यांनी एक व्हिडिओ शेअर करत यासंदर्भात राज्य सरकारला आव्हान दिलं आहे. डिसेंबर 2013 मध्ये तत्कालीन काँग्रेस-राष्ट्रवादी सरकारने 'विक्रांत' ही युद्धनौका 60 कोटी रुपयांना सफाई कामगारांना विक्रीसाठी आणली होती. त्यामुळे आम्ही याला विरोध केला आणि प्रतिकात्मक रक्कम उभारण्याचा निर्णय घेतला.
मात्र आता 10 वर्षांनंतर शिवसेनेचे नेते संजय राऊत यांनी आपल्या मुलाच्या कंपनीतून 58 कोटी रुपयांची चोरी आणि पैसे लाँडर केल्याचा आरोप करत आहेत. संजय राऊत यांनी गेल्या दोन महिन्यांत माझ्यावर सात वेगवेगळे आरोप केले आहेत, परंतु पोलिसांकडे यापैकी एकही पुरावा नाही, असा दावा सोमय्या यांनी केला. किरीट सोमय्या यांनी सोशल मीडियावर शेअर केलेल्या व्हिडिओतून ठाकरे सरकारला पुन्हा एकदा आव्हान दिले आहे.
10 yrs after symbolic event of BJP #ShivSena's SaveVikrant campaign, #SanjayRaut starts 58Cr laundering bogus allegations with no document/proof to divert/stop us.We will not stop exposing scams of ThackeraySarkar! Will approach #MumbaiHighCourt next! @BJP4India @BJP4Maharashtra pic.twitter.com/0axOg8J9dF
— Kirit Somaiya (@KiritSomaiya) April 12, 2022
ठाकरे सरकारमधील बदमाश मंत्र्यांवर शेवटची कारवाई होईपर्यंत मी झुकणार नाही, मागे हटणार नाही. माझ्यावरील आरोपांची सर्व माहिती हायकोर्टात देऊ, असं किरीट सोमय्या म्हणाले. दरम्यान, आयएनएस विक्रांत प्रकरणात मुंबई पोलीस किरीट सोमय्या आणि नील सोमय्या यांचा शोध घेत असून या दोघांनाही अद्याप अटक करण्यात आलेली नाही. त्यामुळे येत्या काही दिवसांत काय होते हे पाहणे गरजेचे ठरेल.
(The above story first appeared on LatestLY on Apr 12, 2022 04:25 PM IST. For more news and updates on politics, world, sports, entertainment and lifestyle, log on to our website latestly.com).
