Prithviraj Chavan On Maharashtra Politics: महाविकास आघाडीला लागली उतरती कळा? काँग्रेस नेते पृथ्वीराज चव्हाण यांच्या वक्तव्याने खळबळ; म्हणाले, 'मुलीच्या मोहात शरद पवारांनी सर्वस्व गमावले'

Prithviraj Chavan On Maharashtra Politics: राष्ट्रवादीत फूट पडल्यानंतर एमव्हीएमध्ये सर्व काही ठीक नसल्याचं चित्र पाहायला मिळत आहे. महाविकास आघाडीचे सरकार (Mahavikas Aghadi Govt) स्थापन झाल्यानंतर काँग्रेस, शिवसेना आणि राष्ट्रवादी काँग्रेसच्या युतीमध्ये अनेकवेळा मतभेद दिसून आले. मात्र, आता ते उघडपणे समोर येऊ लागले आहेत. नुकतेच राष्ट्रवादी काँग्रेसमधील गटबाजीनंतर काँग्रेसच्या नेत्यांनीही शरद पवार (Sharad Pawar) यांना घरचा आहेर दिला आहे.

काँग्रेस नेते पृथ्वीराज चव्हाण यांनी आज शरद पवार यांची खिल्ली उडवली असून, राष्ट्रवादी काँग्रेसमधील फुटीमुळे वर्षानुवर्षे धुमसत असलेली कटुता दिसून येते. पवार साहेबांच्या पक्षाच्या कारभारात काही त्रुटी राहिल्या, त्यामुळेच हे सर्व घडल्याचे चव्हाण यांनी म्हटले आहे. (हेही वाचा - Ashok Chavan on speculation to support BJP: अशोक चव्हाण यांनी फेटाळले भाजपाला समर्थन देण्याचं वृत्त)

मात्र, इतकी वर्षे शरद पवारांनी सर्वांना जमिनीवरून उचलून एवढा मोठा नेता बनवला आणि आज अशा गोष्टी बोलल्या जात आहेत, हे खेदजनक असल्याचेही ते म्हणाले. कौटुंबिक मतभेदांमुळे राज्याच्या राजकारणावर परिणाम होतो. शिंदे गटातील काही आमदार मंत्री झाले, बाकीचे मंत्रीपदाच्या प्रतीक्षेत होते. पण, आता नाराज झाल्याचे त्यांनी सांगितले.

पृथ्वीराज चव्हाण पुढे म्हणाले की, पवार साहेबांनी आपल्या लोकांना प्रोत्साहन देण्यासाठी अजित पवारांना बाजूला केले असावे. आपल्या मुलीच्या मोहात शरद पवारांनी सर्वस्व गमावले. शरद पवारांनी सगळ्यांना दूर ढकललं. या कौटुंबिक वादाचा परिणाम राज्याच्या राजकारणावर होत आहे. दुसरीकडे, शरद पवार यांच्यासह सपाच्या अनेक नेत्यांनी आज दिल्लीत राष्ट्रीय कार्यकारिणीची बैठक घेतली. यावेळी काँग्रेससोबतच्या बैठकीसह अनेक मुद्द्यांवर बैठकीत चर्चा झाली.

(The above story first appeared on LatestLY on Jul 06, 2023 06:56 PM IST. For more news and updates on politics, world, sports, entertainment and lifestyle, log on to our website latestly.com).