Jitendra Awhad (फोटो सोजन्य - फेसबुक)

Case Filed Against Jitendra Awhad: मुख्यमंत्री माझी लाडकी बहीण योजना (Mukhyamantri Ladki Behna Yojana) आणि शेतकऱ्यांना मदत यासंदर्भात चुकीची माहिती पसरवून जनतेची दिशाभूल केल्याप्रकरणी राष्ट्रवादीचे (शरद पवार गट) आमदार जितेंद्र आव्हाड (Jitendra Awhad) यांच्याविरोधात मुंबईत गुन्हा दाखल करण्यात आला आहे. प्राप्त माहितीनुसार, संभाजीनगर एमआयडीसी वाळूज पोलीस ठाण्यात भारतीय न्याय संहिता (बीएनएस) कलम 353 (2) अन्वये आव्हाड यांच्यावर गुन्हा दाखल करण्यात आला आहे.

आव्हाड यांच्यावर सरकारी योजनांचा चुकीचा तपशील प्रसारित करून, अधिकाऱ्यांनी कायदेशीर कारवाई करण्यास प्रवृत्त केल्याचा आरोप आहे. आव्हाड यांनी सरकारच्या एका जीआरचा चुकीचा संदर्भ देऊन आत्महत्याग्रस्त कुटुंबांना सरकारने आता मदत देणे बंद केल्याचा आरोप केला होता. (हेही वाचा - Jitendra Awhad On New Criminal Laws: '90 दिवसांची पोलीस कोठडी आयुष्य उद्ध्वस्त करणार'; नवीन फौजदारी कायद्यांवरून जितेंद्र आव्हाड यांचा केंद्र सरकारवर निशाणा)

मुख्यमंत्री लाडकी बहना योजना -

महिलांना आर्थिक सहाय्य देण्यासाठी आणि त्यांना अधिक स्वतंत्र आणि स्वावलंबी बनवण्यासाठी महाराष्ट्र सरकारने 17 ऑगस्ट रोजी मुख्यमंत्री माझी लाडकी बहिन योजना सुरू केली. 2.5 लाख रुपयांपेक्षा कमी वार्षिक उत्पन्न असलेल्या 21-65 वयोगटातील महिलांना दरमहा रु. 1,500 प्रदान करून आर्थिक सहाय्याद्वारे महिलांचे सक्षमीकरण करण्याचे या योजनेचे उद्दिष्ट आहे. ही योजना केवळ आर्थिकदृष्ट्या दुर्बल कुटुंबातील महिलांना लागू आहे. (हेही वाचा - Jitendra Awhad Threat : जितेंद्र आव्हाड बिष्णोई गँगच्या रडारवर, लाखोंची मागणी; पैसे न दिल्यास सलमान खानसारखं प्रकरण करू )

या योजनेच्या निकषांनुसार, वार्षिक 2.5 लाख रुपयांपेक्षा कमी कौटुंबिक उत्पन्न असलेल्या कुटुंबातील महिला पात्र आहेत. मुख्यमंत्री एकनाथ शिंदे यांनीही गुरुवारी आत्महत्या केलेल्या शेतकऱ्यांच्या कुटुंबीयांसाठीच्या योजना बंद केल्या जाणार असल्याच्या वृत्ताचे खंडन केले. तसेच मुख्यमंत्री माझी लाडकी बहिन योजना राबविल्यामुळे सरकारच्या विविध योजना बंद होणार नाहीत, असं आश्वासन दिलं. (हेही वाचा - BJP on Jitendra Awhad's Controversial Remark: भाजपा कडून जितेंद्र आव्हाडांचा राज्यभर निषेध; अनेक ठिकाणी कार्यकर्त्यांकडून आंदोलनं)

लाभार्थ्यां बहिणींच्या चेहऱ्यावरचा आनंद पाहून समाधान वाटते - मुख्यमंत्री एकनाथ शिंदे

मुख्यमंत्री शिंदे यांनी 'मुख्यमंत्री लाडकी बेहना योजना' सुरू केल्यानंतर लाभार्थ्यांच्या चेहऱ्यावरचा आनंद पाहून समाधान वाटत असल्याची भावना वक्त केली. आम्ही या बहिणींच्या पाठीशी खंबीरपणे उभे आहोत. आम्हाला त्यांना स्वावलंबी बनवायचे आहे, असे मुख्यमंत्री यावेळी म्हणाले.