Sanjeevani Karandikar Passes Away: बाळ ठाकरे यांच्या भगिनी संजीवनी करंदीकर यांचं पुण्यात निधन
बाळासाहेब ठाकरे आणि संजीवनी करंदीकर यांच्यामध्ये 6 वर्षांचे अंतर होते. त्यांच्या निधनानंतर शिवसेना पक्षातील अनेक नेत्यांनी शोक व्यक्त करत त्यांना आदरांजली अर्पण केली आहे.
शिवसेनाप्रमुख बाळासाहेब ठाकरे (Bal Thackeray) यांच्या भगिनी आणि मुख्यमंत्री उद्धव ठाकरे (Uddhav Thackeray) यांच्या आत्या संजीवनी करंदीकर (Sanjeevani Karandikar) यांचं आज (13 मे) वृद्धपकाळाने निधन झाले आहे. पुण्याच्या दीनानाथ मंगेशकर रूग्णालयामध्ये त्यांच्यावर उपचार सुरू होते. काल प्रकृती अस्वास्थ्यामुळे त्यांना हॉस्पिटलमध्ये दाखल करण्यात आले होते मात्र त्यांची आज प्राणज्योत मालवली आहे.
प्रबोधनकार ठाकरे यांच्या आठ अपत्यांपैकी संजीवनी करंदीकर या सध्या हयात असलेल्या एकमेव होत्या मात्र आज त्यांनीही या जगाचा निरोप घेतला आहे. बाळासाहेब ठाकरे आणि संजीवनी करंदीकर यांच्यामध्ये 6 वर्षांचे अंतर होते. त्यांच्या निधनानंतर शिवसेना पक्षातील अनेक नेत्यांनी शोक व्यक्त करत त्यांना आदरांजली अर्पण केली आहे.
अरविंद सावंत ट्वीट
थोर समाजसुधारक प्रबोधनकार ठाकरे यांच्या सुकन्या, वंदनीय हिंदुहृदयसम्राट शिवसेनाप्रमुख श्रीमान बाळासाहेब ठाकरे यांच्या लहान भगिनी, मुख्यमंत्री उद्धवसाहेब ठाकरे यांच्या आत्या श्रीमती संजीवनी करंदीकर यांना भावपूर्ण श्रद्धांजली... परमेश्वर त्यांच्या पवित्र आत्म्यास सद्गती प्रदान करो! pic.twitter.com/R7FcZNlnC9
— Arvind Sawant (@AGSawant) May 13, 2022
मनिषा कायंदे ट्वीट
💐💐 भावपूर्ण श्रद्धांजली💐💐
थोर समाज सुधारक प्रबोधनकार केशवराव सिताराम ठाकरे यांची कन्या, शिवसेनाप्रमुख बाळासाहेब ठाकरे यांच्या लहान भगिनी, शिवसेना पक्षप्रमुख मुख्यमंत्री श्री उध्दवसाहेब ठाकरे यांची आत्या श्रीमती संजीवनी करंदीकर यांचे आज वयाच्या 84 व्या वर्षी दुःखद निधन झाले. pic.twitter.com/DxdyyX5jDb
— Dr.ManishaKayande (@KayandeDr) May 13, 2022
संजीवनी यांनी आरबीआय मध्ये 38 वर्ष मशीन सेक्शन अधिकारी म्हणून काम केले आहे. आज संध्याकाळी पुण्याच्या वैकुंठ स्मशानभूमीमध्ये त्यांच्यावर अंत्यसंस्कार केले जाणार आहेत. दरम्यान उद्धव ठाकरे यांनी मुख्यमंत्रीपदाची जबाबदारी स्वीकारली तेव्हा त्यांनी अनेक वाहिनींना दिलेल्या मुलाखतीमध्ये बाळासाहेब आणि त्यांच्यामधील भावा-बहिणींच्या गोड नात्याच्या आठवणी ताज्या केल्या होत्या.
(The above story first appeared on LatestLY on May 13, 2022 12:49 PM IST. For more news and updates on politics, world, sports, entertainment and lifestyle, log on to our website latestly.com).
