Mumbai Local | ( Photo Credits: Pixabay.com)

पश्चिम रेल्वे (Western Railway) रविवारी सकाळी 10.35 ते दुपारी 3.35 या वेळेत चर्चगेट ते मुंबई सेंट्रल स्थानकांदरम्यान 'अप' आणि 'डाऊन' धीम्या मार्गावर पाच तासांचा जंबो ब्लॉक (Jumbo Megablock) घेणार आहे. अधिकार्‍यांनी ट्रॅक, सिग्नलिंग आणि ओव्हरहेड उपकरणांच्या देखभालीचे काम कारण सांगितले आहे.  ब्लॉक दरम्यान, चर्चगेट ते मुंबई सेंट्रल दरम्यान सर्व धिम्या मार्गावरील गाड्या जलद मार्गावर चालवल्या जातील, त्यामुळे काही अप आणि डाऊन उपनगरीय गाड्या रद्द राहतील, अशी माहिती पश्चिम रेल्वेने दिली. दरम्यान, मध्य रेल्वे आपल्या उपनगरीय विभागांवर रविवारी देखभालीची कामे करण्यासाठी मेगा ब्लॉक देखील राबवणार आहे.

माटुंगा ते मुलुंड अप आणि डाऊन जलद मार्गावर सकाळी 11.05 ते दुपारी 3.55 पर्यंत मेगाब्लॉक घेण्यात येणार आहे. हार्बर मार्गावर, सीएसएमटी ते चुनाभट्टी/वांद्रे डाऊन हार्बर मार्गावर सकाळी 11.40 ते दुपारी 4.40 वाजेपर्यंत आणि चुनाभट्टी/वांद्रे-सीएसएमटी अप हार्बर मार्गावर सकाळी 11.10 ते दुपारी 4.10 वाजेपर्यंत ब्लॉक असेल. हेही वाचा Mumbai Crime: मुंबईतील गुन्हेगारीला लगाम घालण्यासाठी रस्त्यांवर कृत्रिम बुद्धिमत्ता असणारे कॅमेरे बसवणार, उपमुख्यमंत्री देवेंद्र फडणवीसांची माहिती

सकाळी 11.16 ते दुपारी 4.47 वाजेपर्यंत वाशी/बेलापूर/पनवेल येथून सीएसएमटी/वडाळा रोडवरून सुटणारी डाऊन हार्बर मार्गावरील सेवा सकाळी 10.48 ते दुपारी 4.43 वाजेपर्यंत बंद राहतील. त्याचप्रमाणे, पनवेल/बेलापूर/वाशीहून सुटणाऱ्या सीएसएमटीसाठी अप हार्बर मार्गावरील सेवा सकाळी 9.53 ते दुपारी 3.20 वाजेपर्यंत आणि गोरेगाव/वांद्रेहून सुटणाऱ्या सीएसएमटीसाठी अप हार्बर मार्गावरील सेवांसाठी सकाळी 10.45 ते सायंकाळी 5.13 वाजेपर्यंत मेगाब्लॉक लागू करण्यात येईल.

प्रवाशांसाठी, मध्य रेल्वेने विशेष सेवा उपलब्ध करून दिल्या आहेत ज्या ब्लॉक कालावधीत प्लॅटफॉर्म क्रमांक 8 वर पनवेल ते कुर्ला दरम्यान धावतील. तसेच, हार्बर मार्गावरील प्रवासी ब्लॉक कालावधीत सकाळी 10 ते संध्याकाळी 6 वाजेपर्यंत मेन लाइन आणि WR मार्गे प्रवास करू शकतात.