-पुणे येथून कोल्हापूर मार्गाने गोव्यात येणाऱ्या बारा बस आणि गोव्याचे सुमारे 150 प्रवासी राधानगरी येथे अडकले आहेत. 
-राधानगरीमधील पुराच्या पाण्यामुळे हे सर्व प्रवासी अडकल्याने त्यांच्या सुरक्षिततेसाठी बचावकार्य सुरु करण्यात आले आहे. 
-पाण्याची पातळी वाढत असल्याने प्रवाशांना सुखरुप बाहेर काढण्यासाठी प्रयत्न केले जात आहेत.

 मुंबईसह कोकणामध्ये जोरदार पाऊस आजही कायम आहे. त्यामुळे दुथडी भरून वाहणार्‍या नद्यांमुळे मुंबई - गोवा महामार्गावरील वाहतूक ठप्प झाली आहे. 

 कोल्हापूरात मागील काही दिवसांपासून जोरदार पाऊस कोसळत असल्याने जनजीवन विस्कळीत झालं आहे. महापूराची  स्थिती असलेल्या कोल्हापूरात आज दूध संकलन थांबवण्यात आलं आहे.

NDRF च्या पथकात सांगली शहरातून 300 तर कोल्हापूरातील खुंटवाड, आंबेवाडी, चिखली या भागातून 475 लोकांची पूराच्या पाण्यातून सुटका केली आहे. अजूनही बचावकार्य सुरू आहे. 

 कोल्हापूरात कोसळत असणार्‍या विक्रमी पावसामुळे जनजीवन विस्कळीत होण्यास सुरूवात झाली आहे. महावितरणच्या दुधाळी उपकेंद्रात पुराचे पाणी घुसले असून तीस हजार ग्राहकांचा वीज पुरवठा बंद झाला आहे. 

 पुण्यामध्ये मुसळधार पाऊस कोसळत असल्याने त्याचा परिणाम रेल्वे वाहतूकीवर होत आहे. मुंबई पुण्यादरम्यान धावणार्‍या डेक्कन क्वीन, इंटरसिटी एक्स्प्रेस,सिंहगड एक्स्प्रेस, इंद्रायणी एक्स्प्रेस रद्द   

 कोल्हापूर शहरात मागील काही तासांपासून सतत कोसळणार्‍या पावसामुळे वाहतूक विस्कळीत झाली आहे. यामध्ये ऐतिहासिक राजमार्गावर दरड कोसळली असून गावातील अनेक महत्त्वाचे रस्स्ते बंद झाले आहेत. महाबळेश्वर जवळचा रस्स्ता देखील बंद झाला आहे. 

सांगली, कोल्हापूर शहरातील पूर सदृश्य परिस्थितीमध्ये Air Force helicopters च्या मदतीने बचावकार्य केले जाणार आहे. सध्या NDRF ची टीम रवाना झाली असून 1500 कुटुंबांची सुखरूप सुटका करण्यात यश आलं आहे.

Air Force helicopters to reach soon. Almost 1500 families evacuated so far and administration is taking care of the situation.
In Sangli 1 NDRF team is deployed and another on way.
CM @Dev_Fadnavis in continuous touch with CS, all these agencies & situation is under control.

— CMO Maharashtra (@CMOMaharashtra) August 6, 2019

पुण्यामध्ये पुढे काही तास मुसळधार पाऊस बरसणार असल्याची शक्यता वर्तवण्यात आली आहे. त्यामुळे पूराचे पाणी रस्स्त्यावर आले आहे. नागरिकांच्या सुरक्षिततेसाठी वाहतूकीसाठी  6 पूल बंद करण्यात आले आहेत. 

नाशिक शहराला मागील कही महिन्यापासून मुसधार पाऊस कोसळत आहेत. या जोरदार पावसात 6 वाडे कोसळले असून कोणतीही जीवितहानी झालेली नाही.  

कोल्हापूर, सांगली भागात पावसाची जोरदार बरसात सुरू असल्याने पूर सदृश्य स्थिती निर्माण झाली आहे. पूराच्या पाण्यात अडकलेल्यांसाठी स्थानिक प्रशासनासोबत NDRF चे जवान देखील नागरिकांना मदत करत आहेत. सध्या सुमारे 30 जणांची सुटका करण्यात त्यांना यश आलं आहे.

#Maharashtra: National Disaster Response Force carries out rescue work in Walva, Islampur and Sangli; 30 people have been evacuated so far. pic.twitter.com/knQY8z3bin

— ANI (@ANI) August 6, 2019

कोल्हापूरात बरसत असलेल्या मुसळधार पावसामुळे पाणी साचायला सुरूवात झाली आहे. कोल्हापूर कडून कर्नाटकाकडे जाणारी वाहतूक देखील यामुळे विस्कळीत झाली आहे. मुसळधार पावसामुळे शाळा, महाविद्यालयांना सुट्टी जाहीर करण्यात आली आहे.

Pune-Bengaluru highway closed for traffic movement from Kolhapur towards Karnataka, due to waterlogging on the highway following heavy rainfall in the region.

— ANI (@ANI) August 6, 2019

 राधानगरी धरणाचे सातही दरवाजे उघडण्यात आले असून या धरणातील वीज निर्मिती प्रकल्प बंद करण्यात आला आहे. वीजेचे खांब देखील कोसळल्याने हा प्रकल्प रद्द करण्यात आला आहे.