National Birds Day 2024: राष्ट्रीय पक्षी दिवस का साजरा केला जातो? महत्त्व आणि इतिहास घ्या जाणून
National Birds Day 2024 (PC - File Image)

National Birds Day 2024: राष्ट्रीय पक्षी दिवस (National Birds Day) दरवर्षी 5 जानेवारी रोजी साजरा केला जातो. बॉर्न फ्री यूएसए आणि एव्हियन वेल्फेअर कोलिशन यांनी 2002 मध्ये या दिवसाची सुरुवात केली होती. पक्ष्यांबद्दल जागरूकता वाढवणे आणि लोकांना त्यांचे संवर्धन करण्यासाठी प्रोत्साहित करणे हा या संस्थांचा उद्देश आहे. हळुहळु हा दिवस जगाच्या विविध भागात साजरा केला जाऊ लागला आहे. देशात वेगवेगळ्या तारखांना राष्ट्रीय पक्षी दिनाव्यतिरिक्त (National Birds Day) 'पक्षी दिन' आणि 'जागतिक स्थलांतरित पक्षी दिवस'ही साजरा केला जातो.

पक्षी निसर्गातील सर्वात सुंदर गोष्टींपैकी एक आहेत. ते त्यांच्या किलबिलाटाने आपला दिवस चांगला करतात. पक्षी हे परिसंस्थेचे महत्त्वाचे भाग आहेत. आर्थिक फायद्यासाठी आणि आनंदासाठी जे पक्षी पकडले जातात. त्यांना क्रूरपणे वागवले जाते किंवा बंदिवासात ठेवले जाते. त्यांच्याबद्दल जागरूकता निर्माण करण्यासाठी दरवर्षी राष्ट्रीय पक्षी दिवस साजरा केला जातो. पक्षी किंवा प्राण्यांना कैदेत ठेवणे बेकायदेशीर आणि नैतिकदृष्ट्या चुकीचे आहे. त्यांना चांगले जीवन मिळावे यासाठी आपण काम केले पाहिजे. (हेही वाचा - नवी मुंबईच्या खाडी किनारीवर फ्लेमिंगो पक्षांची मोठी गर्दी; पाहा व्हिडिओ)

राष्ट्रीय पक्षी दिनाचा इतिहास -

2002 पासून अमेरिकेत राष्ट्रीय पक्षी दिन साजरा केला जातो. या दिवशी अमेरिकेत राष्ट्रीय सुट्टी पाळली जाते. जिथे लोक युनायटेड स्टेट्स ऑफ अमेरिका मधील पक्ष्यांची गुणवत्ता आणि स्थिती याबद्दल तपशील मिळविण्यासाठी एकत्र येतात. मानवनिर्मित समस्यांमुळे पक्ष्यांचे राहणीमान खूप खालावली आहे. (हेही वाचा - Flamingo Birds in Mumbai: नवी मुंबईच्या नेरूळ येथील तलावामध्ये स्थलांतरित फ्लेमिंगो पक्षांचे आगमन; पाण्यावर पसरल्या गुलाबी छटा)

राष्ट्रीय पक्षी दिवसाचे महत्त्व - 

जंगलतोडीपासून ते हवामान बदलामुळे पक्ष्यांनी त्यांची घरे गमावली आहेत. राष्ट्रीय पक्षी दिवस वार्षिक ख्रिसमस बर्ड काउंट डेला येतो. जगातील सर्वात मोठा नागरिक विज्ञान प्रकल्प जो युनायटेड स्टेट्स ऑफ अमेरिका मधील वन्य पक्ष्यांची गणना करतो. हा दिवस साजरा करण्याचा सर्वोत्तम मार्ग म्हणजे अधिकाधिक पक्ष्यांचे राहणीमान अधिक चांगले असावे आणि बंदिवासात ठेवलेल्या किंवा उत्पादन केलेल्या पक्ष्यांना मुक्त केले जावे.