QuickLY
Socially
Mohini Ekadashi 2025 Date and Muhurat: एकादशी व्रत हे भगवान विष्णूला समर्पित आहे. या दिवशी उपवास करून भगवान नारायणाची पूजा केल्याने इच्छित फळे मिळतात. दरवर्षी वैशाख महिन्याच्या शुक्ल पक्षातील एकादशी तिथीला मोहिनी एकादशीचे (Mohini Ekadashi 2025) व्रत केले जाते. या एकादशीचे विशेष महत्त्व आहे. मोहिनी एकादशीचे व्रत केल्याने व्यक्तीला जीवनात यश आणि आनंद मिळतो. या वर्षी मोहिनी एकादशीचे व्रत कधी पाळले जाईल आणि पूजेसाठी शुभ मुहूर्त कोणता असेल, ते जाणून घेऊयात.
मोहिनी एकादशी व्रत 2025 तारीख आणि मुहूर्त -
यावर्षी 8 मे 2025 २०२५ रोजी मोहिनी एकादशीचे व्रत केले जाईल. पंचांगानुसार, वैशाख महिन्याच्या शुक्ल पक्षातील एकादशी तिथी 7 मे रोजी सकाळी 10:19 वाजता सुरू होईल. एकादशी तिथी 8 मे रोजी दुपारी 12:29 वाजता संपेल. 9 मे रोजी मोहिनी एकादशी साजरी केली जाईल. पारणासाठी शुभ वेळ सकाळी 6:06 ते 8:42 पर्यंत असेल. (हेही वाचा - Akshaya Tritiya 2025: अक्षय्य तृतीयेच्या दिवशी सोने खरेदी करण्याचा शुभ मुहूर्त कधी आहे? काय आहे या दिवसाचे महत्त्व? जाणून घ्या?)
मोहिनी एकादशी व्रताशी संबंधित पौराणिक कथा -
पौराणिक कथेनुसार, समुद्रमंथनाच्या वेळी अमृताचे भांडे बाहेर आले तेव्हा देव आणि दानवांमध्ये युद्ध झाले. देवांकडून अमृताचे भांडे राक्षस हिसकावून घेतात. मग भगवान विष्णूने देवतांना मदत करण्यासाठी मोहिनीचे रूप धारण केले. मोहिनीच्या रूपात, भगवान विष्णूने राक्षसांना मोहित केले होते आणि त्यांच्याकडून अमृताने भरलेले भांडे काढून देवांना दिले होते, जे पिऊन सर्व देव अमर झाले. (हेही वाचा - Akshaya Tritiya 2025: अक्षय्य तृतीयेचा दिवस का शुभ मानला जातो? सुख आणि समृद्धीसाठी या दिवशी करा 'हे' उपाय)
भगवान विष्णूला या वस्तू अर्पण करा -
मोहिनी एकादशीच्या दिवशी भगवान विष्णूला फुले आणि पिवळ्या रंगाचे कपडे अर्पण करा. यासोबतच फळे आणि पिवळ्या मिठाई देखील अर्पण करा. एकादशीच्या पूजेदरम्यान तुळशीची पाने अवश्य ठेवा. तुळशीशिवाय भगवान विष्णूची पूजा अपूर्ण मानली जाते. परंतु, एकादशीच्या एक दिवस आधी तुळशीचे पानं तोडा. कारण एकादशीला तुळशीला स्पर्श करणे देखील निषिद्ध आहे.
(Disclaimer: येथे दिलेली माहिती धार्मिक श्रद्धा आणि लोकश्रद्धेवर आधारित आहे. यासाठी कोणताही वैज्ञानिक पुरावा नाही. लेटेस्टली मराठी कोणत्याही गोष्टीच्या सत्यतेचा कोणताही पुरावा देत नाही.)
