Bhondla Mahiti in Marathi: गुजरातचा (Gujarat) गरबा (Garba) ज्याप्रमाणे देशभरात प्रसिद्ध आहे, त्याचप्रमाणे महाराष्ट्रात (Maharashtra) भोंडल्याची (Bhondla) खास परंपरा आहे. (Bhondla Mahiti in Marathi) आश्विन महिन्यात हस्त नक्षत्रापासून या खेळाला सुरुवात होते आणि राज्याच्या विविध भागांत तो मोठ्या उत्साहात खेळला जातो. वेगवेगळ्या प्रदेशांमध्ये या खेळाला वेगवेगळी नावे आहेत, पण त्याची परंपरा मात्र सारखीच आहे. (हे देखील वाचा: Kanya Pujan 2025 Messages: कन्या पूजननिमित्त Images, Wishes, Quotes, WhatsApp Status, द्वारे द्या खास मंगलमय शुभेच्छा!)

भोंडला, हदगा की भुलाबाई?

  • पश्चिम महाराष्ट्र: येथे या खेळाला हदगा म्हणतात.

  • कोकण: येथे याला भोंडला असे म्हणतात.

  • विदर्भ: या भागात हा खेळ भुलाबाई या नावाने ओळखला जातो.

वास्तविक, 'भोला' म्हणजे भगवान शिवशंकर, आणि भुलाबाई म्हणजे उमा-पार्वती. त्यामुळे या खेळाला भुलाबाई असे नाव पडले आहे. स्त्रिया आणि मुली हा उत्सव मोठ्या उत्साहात साजरा करतात. पूर्वीच्या काळी, स्त्रियांना त्यांच्या रोजच्या कामातून विरंगुळा मिळावा म्हणून असे सण साजरे केले जात होते. आजही ग्रामीण भागात ही परंपरा उत्साहात सुरू आहे.

खिरापत आणि तिचे महत्त्व

भोंडल्याच्या खेळानंतर वाटल्या जाणाऱ्या खिरापतीला विशेष महत्त्व आहे. खिरापत म्हणजे खाण्याचे पदार्थ, जे भगवान शंकर आणि पार्वतीला नैवेद्य म्हणून दाखवले जातात. खेळणाऱ्या स्त्रिया आणि मुलींना ही खास खिरापत दिली जाते. पारंपारिकरित्या, खिरापतीमध्ये कोणतेही पाच पदार्थ बनवण्याची प्रथा आहे. काही ठिकाणी, पहिल्या दिवशी १, दुसऱ्या दिवशी २ अशा क्रमाने नवव्या दिवशी ९+१ (दसरा) अशा १० प्रकारच्या खिरापती बनवल्या जातात.

हत्ती आणि पारंपरिक गाणी

भोंडल्याच्या कार्यक्रमात हत्तीला सर्वात जास्त मान दिला जातो. विशेषतः कोकणात, घराच्या अंगणात मधोमध पाटावर हत्तीची रांगोळी काढून, लहान मुली त्याभोवती फेर धरतात. यावेळी 'ऐलमा पैलमा' यांसारखी पारंपारिक गाणी गायली जातात. दररोज वेगवेगळ्या घरात हा खेळ खेळला जात असल्यामुळे या दिवसांत खाण्यापिण्याची मजा असते.