Prashant Kishor यांच्या West Bengal Election Results 2021 बाबतच्या भविष्यवाणीचं काय होणार? कलांनुसार TMC 200 पार, BJP चं सत्ता स्थापनेचं स्वप्न भंगणार
राजनीतिकार प्रशांत किशोर यांनी मागील वर्षी डिसेंबर महिन्यात पश्चिम बंगालच्या निवडणूकीच्या पार्श्वभूमीवर एक मोठे वक्तव्य केले होते.
पश्चिम बंगाल मध्ये मुख्यमंत्री ममता बॅनर्जी तिसर्यांदा आपलं सरकार स्थापन करण्याच्या पूर्ण तयारीमध्ये आहेत. नंदिग्राम विधानसभा मतदार संघात शुभेंदू अधिकारी यांच्याकडून त्यांचा पराभव झाला असला तरी त्यांच्या पक्षाचा विजय मोठा आहे. दुसरीकडे भाजपा ने देखील मागील निवडणूकीच्या तुलनेत चांगली कामगिरी केली आहे. पण त्यांचा 200 पारचा दावा खोटा ठरला आहे. सध्या निवडणूक आयोगने दिलेल्या कलांच्या आधारे तृणमूल कॉंग्रेस पक्षाकडे 200 पेक्षा जास्त जागा आहेत. बंगाल मधील या विधानसभा निवडणूक निकालामध्ये अनेकांना आज 'प्रशांत किशोर' यांनी काही दिवसांपूर्वी केलेल्या भविष्यवाणीची नक्कीच आठवण झाली आहे. Prashant Kishor: प्रशांत किशोर यांचे मोठे वक्तव्य म्हणाले 'राजकीय रणनितीकार म्हणून यापुढे काम करणार नाही'.
राजनीतिकार प्रशांत किशोर यांनी मागील वर्षी डिसेंबर महिन्यात पश्चिम बंगालच्या निवडणूकीच्या पार्श्वभूमीवर एक मोठे वक्तव्य केले होते. आज त्याचीच प्रचिती आली आहे. त्यांनि केलेल्या दाव्यानुसार, भाजपा पश्चिम बंगाल मध्ये 2 अंकी आकडा पार करणं कठीण आहे. त्यांनी चांगली कामगिरी केल्यास ट्वीटर सोडून देण्याचं चॅलेंज दिले होते.
प्रशांत किशोर यांचं ट्वीट
For all the hype AMPLIFIED by a section of supportive media, in reality BJP will struggle to CROSS DOUBLE DIGITS in #WestBengal
PS: Please save this tweet and if BJP does any better I must quit this space!
— Prashant Kishor (@PrashantKishor) December 21, 2020
पश्चिम बंगाल निवडणूकीमध्ये ममता बॅनर्जी यांच्यासाठी प्रशांत किशोर हे रणनितीकार म्हणून काम करत होते. त्यांनी बंगाल मध्ये भाजपाची 'हवा' असण्यामागे मीडीयाच्या काही वर्गाचा हात असल्याचं म्हटलं आहे. भाजपाचं समर्थन असलेल्या एका वर्गाने ही हवा बनवली आहे. सत्य तर हे आहे की बंगाल मध्ये भाजपला दोन अंकी आकडा जिंकण्यासाठी संघर्ष करावा लागणार आहे असे त्यांनी म्हटलं आहे.
(The above story first appeared on LatestLY on May 02, 2021 06:52 PM IST. For more news and updates on politics, world, sports, entertainment and lifestyle, log on to our website latestly.com).
