पंतप्रधान मोदी यांच्या प्रमाणे आपलेही पती आपल्याला सोडून जातील अशी भाजपा महिला कार्यकर्त्यांना भीती! - मायावती
अलवार सामूहिक बलात्कार प्रकरणानंतर मायावतींचे दुःख म्हणजे मगरीचे अश्रू म्हणणाऱ्या मोदींना मायावतींचे प्रत्युत्तर
अलवार सामूहिक बलात्कार (Alwar Gang rape Case) प्रकरणानंतर बहुजन समाजवादी पार्टीच्या (Bahujan Samajvadi Party) सर्वेसर्वा मायावती (Mayavati) आणि पंतप्रधान नरेंद्र मोदी (Prime Minister Narendra Modi) यांच्यात आरोप प्रत्यारोपांचे सत्र कायम असल्याचे
पाहायला मिळत आहे. राजस्थान (Rajasthan) मधील अलवार मध्ये एक दलित महिलेवर बलात्कार झाल्यानंतर दुःख व्यक्त करणाऱ्या मायावतीं मगरीचे अश्रू ढाळत आहेत अशी टीका मोदींनी एका प्रचारसभेत केली होती, यावर स्वतःच्याच पत्नीला सोडून आलेले मोदी दुसऱ्यांच्या पत्नीचा किंवा बहिणीचा काय मान ठेवणार, असे म्हणत मायावतींनी पलटवार केला आहे.
"नरेंद्र मोदी सर्वच घटनांचे राजकारण करू पाहतायत ही लज्जास्पद बाब आहे सुरवातीला या बलात्काराच्या घटनेवर मोदींनी मौन पाळले आणि आता त्याचाच वापर मत मिळवण्यासाठी करतायत", असे मत मायावतींनी माध्यमांसमोर समोर मांडले.
ANI ट्विट
Mayawati,BSP: Narendra Modi was silent on Alwar gangrape case. He's trying to play dirty politics over it. So that in the elections his party can be benefited. It is extremely shamefully. How can he respect others' sisters& wives when he has left his own wife for political gains? pic.twitter.com/kENKVBG6YU
— ANI UP (@ANINewsUP) May 13, 2019
ANI ने ट्विट मार्फत दिलेल्या माहितीनुसार, भाजपमधील विवाहित महिला या आपल्या पतीवर वाईट परिणाम होऊ नये म्ह्णून त्यांना मोदींपासून लांब ठेवतात, स्वतःच्या पत्नीला सोडून आलेला माणूस आम्हालाही पतीपासून वेगळं करेल अशी भीती त्यांना वाटते असे देखील मायावती सांगत होत्या. व्हिडिओ: मायावती केस रंगवतात, फेशिअल करतात; मोदी मात्र स्वच्छ कपडे वापरतात: भाजप आमदार
ANI ट्विट
Mayawati, BSP: Mujhe toh yeh bhi maloom chala hai ke BJP mein khash kar vivahit mahilayen apne aadmiyon ko Shri Modi ke nasdik jate dekh kar, yeh soch kar bhi kafi zyada ghabrati rehti hai ke kahin yeh Modi apne auraat ki tarah humein bhi apne pati se alag na karwa de. https://t.co/zBBmQhQepo
— ANI UP (@ANINewsUP) May 13, 2019
अलवार मध्ये 26 एप्रिल ला एका दलित तरुणीवर पतीच्या समोरच काही अज्ञातांनी बलात्कार केल्याची धक्कादायक बाब समोर आली होती, या घटनेचा निषेध करत उत्तर प्रदेशचे माजी मुख्यमंत्री अशोक गेहलोत व बसपा च्या मायावती यांनी राजस्थान सरकारवर टीका केली होती मात्र नरेंद्र मोदींनी हा निषेध केवळ नाटकी आहे असे म्हणत,जर तुम्हाला खरंच या घटनेने वाईट वाटत असेल तर राजस्थानातील काँग्रेस सरकारला दिलेला पाठिंबा काढून का घेत नाही असा प्रश्न कुशीनगर येथील सभेत बोलताना केला होता. Rajasthan Alwar Gangrape: नवऱ्यासमोर बायकोवर बलात्कार करुन अश्लिल व्हिडिओ व्हायरल, पोलिसांवर प्रकरण दडपल्याचा आरोप
दरम्यान या घटनेची तक्रार नोंदवून घेत यातील आरोपी व संशयीना पकडण्यासाठी पोलिसांची एक खास तुकडी तयार करण्यात आली आहे. यातील तीन संशयी सध्या पोलिसांच्या ताब्यात आले असून इतरांनाच तपास सुरु आहे. यातील कोणत्याही गुन्हेगाराला शिक्षा झाल्याखेरीज सोडण्यात येणार नाही अशी खात्री मुख्यमंत्री अशोक गेहलोत यांनी व्यक्त केली आहे.
(The above story first appeared on LatestLY on May 13, 2019 11:47 AM IST. For more news and updates on politics, world, sports, entertainment and lifestyle, log on to our website latestly.com).
