Mahadev Betting App Case: अभिनेता Sahil Khan छत्तीसगढ मधून मुंबई पोलिसांच्या ताब्यात
"द लायन बुक ॲप" नावाच्या एका ॲपमध्ये साहिल खान हादेखील भागीदारीत असल्याची माहिती गुन्हे शाखेच्या चौकशीत समोर आल्यानंतर तो पोलिसांच्या रडार वर आला होता.
महादेव बेटिंग ॲप (Mahadev Betting App) च्या प्रचार आणि प्रसार प्रकरणी अभिनेता साहिल खान (Actor Sahil Khan) याला पोलिसांनी ताब्यात घेतले आहे. मुंबई पोलिसांनी (Mumbai Police) छत्तीसगढमध्ये (chhattisgarh) जाऊन साहिल खानला ताब्यात घेतले असून आता मुंबई मध्ये आणले आहे. दरम्यान साहिलने मुंबई उच्च न्यायालयामध्ये (Bombay High Court ) अटकपूर्व जामीन मिळावा म्हणून उच्च न्यायालयामध्ये धाव घेतली होती पण कोर्टाने त्याची याचिका फेटाळून लावली आहे.
सामाजिक कार्यकर्ते प्रकाश बनकर यांच्या तक्रारीवरून महादेव ऑनलाईन गेमिंग-बेटिंग अॅप प्रकरणात 31 पेक्षा अधिक लोकांच्या विरूद्ध माटूंगा पोलिस स्टेशन मध्ये गुन्हा दाखल करण्यात आला आहे. "द लायन बुक ॲप" नावाच्या एका ॲपमध्ये साहिल खान हादेखील भागीदारीत असल्याची माहिती गुन्हे शाखेच्या चौकशीत समोर आल्यानंतर तो पोलिसांच्या रडार वर आला होता.
Mumbai Crime Branch's SIT detained actor Sahil Khan in connection with the Mahadev Betting App case. He has been detained in Chhattisgarh and is being brought to Mumbai: Mumbai Police Sources
(file pic) pic.twitter.com/Z1PSE0SqKt
— ANI (@ANI) April 28, 2024
साहिलचा जामीन फेटाळण्यात आल्यानंतर तो मुंबई मधून फरार झाला होता. नंतर गोवा, कर्नाटक, हैदराबाद करत तो छत्तीसगड मध्ये पोहचला होता. मुंबई पोलिस त्याच्या मागावर होते. साहिल हैदराबाद मधून छत्तीसगडच्या जगदलबपूर मध्ये आला असता पोलिसांनी त्याला ताब्यात घेतले आहे. मुंबई: अभिनेता Manoj Patil याला आत्महत्येस प्रवृत्त करण्याच्या आरोपाखाली अभिनेता Sahil Khan सह अन्य 3 जणांवर गुन्हा दाखल .
#WATCH | Actor Sahil Khan brought to Mumbai from Chhattisgarh. He has been arrested by the Mumbai Crime Branch's SIT in connection with the Mahadev Betting App case.
“I believe in the judiciary of the country, " he says pic.twitter.com/HirOzizuXb
— ANI (@ANI) April 28, 2024
महादेव बेटिंग अॅप मध्ये 67 बेटिंग संकेतस्थळे असून ती सर्व परदेशातून चालवली जात होती. यामध्ये सर्वसामान्यांना विविध खेळांवर सट्टा लावून पैसे जिंकण्याचे आमिष दाखवले गेले. त्याचप्रमाणे, बनावट कागदपत्रांच्या आधारावर उघडलेली 1700 पेक्षा अधिक बँक खाती पैसे गोळा करण्यासाठी वापरली गेल्याची माहिती समोर आलेली आहे.
(The above story first appeared on LatestLY on Apr 28, 2024 08:46 AM IST. For more news and updates on politics, world, sports, entertainment and lifestyle, log on to our website latestly.com).
