Hyderabad Woman Dies After Eating Momos: रस्त्यावरील फूड स्टॉलमधील मोमोज खाल्ल्याने महिलेचा मृत्यू; 50 जणांची प्रकृती बिघडली

Hyderabad Woman Dies After Eating Momos: तेलंगणातील (Telangana) बंजारा हिल्स (Banjara Hills) येथे रस्त्याच्या कडेला असलेल्या खाद्यपदार्थांच्या स्टॉलवर (Roadside Food Stall) मोमोज (Momos) खाल्ल्याने एका महिलेचा मृत्यू झाल्याची धक्कादायक घटना घडली आहे. याशिवाय, सुमारे 50 जण आजारी पडले. रविवारी, 31 वर्षीय रेश्मा बेगम, तिची मुले आणि सिंगाडाकुंटा कॉलनीतील इतर अनेक लोक फिरायला गेले होते. त्यांनी एका स्टॉलवरून मोमोज खाल्ले. दुसऱ्या दिवशी त्यांनी उलट्या आणि जुलाबाची तक्रार केली.

रेश्मा बेगम यांना त्रास होऊ लागल्याने त्यांना रुग्णालयात दाखल करण्यात आले. याप्रकरणी काही पीडितांनी पोलिसांत तक्रार दाखल केली. त्यांनी पोलिसांना सांगितले की, या सर्वांनी रविवारी रस्त्याच्या कडेला असलेल्या फूड स्टॉलचे मोमोज खाल्ले होते, त्यानंतर त्यांची तब्येत बिघडली. गुन्हा दाखल केल्यानंतर पोलिसांनी तपास सुरू केला असून याप्रकरणी दोघांना अटक करण्यात आली आहे. (हेही वाचा -Chandrapur Food Poisoning: चंद्रपूरमध्ये महाप्रसादातून अनेकांना विषबाधा, एकाचा मृत्यू)

रेश्मा बेगमची प्रकृती चिंताजनन झाल्यानंतर त्यांना निजाम इन्स्टिट्यूट ऑफ मेडिकल सायन्सेस (NIMS) येथे नेण्यात आले, तेथे उपचारादरम्यान तिचा मृत्यू झाला. मोमोशिवाय लोकांना मेयोनीज आणि चटणीमुळे अन्नातून विषबाधा होण्याची शक्यता असल्याचा पोलिस अधिकाऱ्यांना संशय आहे. पोलिसांनी सांगितले की, मोमो खाल्ल्यानंतर रेश्मा आणि तिच्या 12 आणि 14 वर्षांच्या मुलींची तब्येत बिघडली. सुरुवातीला त्यांनी ते गांभीर्याने घेतले नाही. त्याला वाटले की, थोडी विश्रांती घेतल्याने आपल्याला बरे वाटेल, परंतु त्याची तब्येत ढासळू लागली. (हेही वाचा - Andhra Pradesh Food Poisoning: चित्तूर येथे अपोलो आरोग्य विद्यापीठातील 70 विद्यार्थ्यांना अन्नातून विषबाधा; रुग्णालयात उपचार सुरू (Watch Video))

दरम्यान, पोलिसांनी याप्रकरणी दोषी हत्येचा गुन्हा दाखल केला असून स्टॉल चालवणाऱ्या बिहारमधील दोन जणांना अटक केली आहे. तपासादरम्यान, पोलिसांना कळले की जवळपासच्या भागातील इतर किमान 20 रहिवाशांना देखील अन्न विषबाधामुळे रुग्णालयात दाखल करण्यात आले होते. सगळ्यांनी एकाच स्टॉलवरून मोमोज खाल्ले होते. अन्न सुरक्षा अधिकाऱ्यांनी स्टॉलची पाहणी केली असता हा स्टॉल एफएसएसएआय परवान्याशिवाय चालवला जात होता. तसेच याठिकाणी अस्वच्छ परिस्थितीत खाद्यपदार्थ तयार केले जात असल्याचे आढळून आले. अन्नातून विषबाधा होण्याची मुख्य कारणे शोधण्यासाठी पोलिस अधिक तपास करत आहेत.

(The above story first appeared on LatestLY on Oct 30, 2024 01:58 PM IST. For more news and updates on politics, world, sports, entertainment and lifestyle, log on to our website latestly.com).