Coronavirus Recovery: देशात 32 लाखाहुन अधिक रुग्ण कोरोना मुक्त, रिकव्हरी रेट 77.31 टक्के- आरोग्य मंंत्रालय
कालच्या दिवसभरात देशात 69,564 जणांंनी कोरोनावर मात केली आहे. यानुसार आतापर्यंतच्या कोरोना रिकव्हर रुग्णांंचा आकडा 32.5 लाखाच्या वर गेला आहे. सध्या भारताचा कोरोना रिकव्हरी रेट हा 77.31% इतका आहे.
Coronavirus Update In India: केंद्रीय आरोग्य मंत्रालयाने (Union Health Ministry) दिलेल्या माहितीनुसार, मागील 24 तासात सलग दुसर्या दिवशी देशात 90,802 नवे कोरोना रूग्ण समोर आले आहेत, यानुसार भारतामध्ये कोरोनाबाधितांचा एकूण आकडा (Coronavirus Total Cases) 42 लाखांच्या पार गेला आहे. देशात एकूण 42,04,614 जणांना आतापर्यंत कोरोना व्हायरसची लागण झाली आहे. हा आकडा निश्चितच चिंंताजनक असला तरी देशातील कोरोनाचा रिकव्हरी रेट (COVID 19 Recovery Rate) सुद्धा तितकाच दिलासादायक आहे.प्राप्त माहितीनुसार कालच्या दिवसभरात देशात 69,564 जणांंनी कोरोनावर मात केली आहे. यानुसार आतापर्यंतच्या कोरोना रिकव्हर रुग्णांंचा आकडा 32.5 लाखाच्या वर गेला आहे. सध्या भारताचा कोरोना रिकव्हरी रेट हा 77.31% इतका आहे.
दुसरीकडे, कालच्या दिवसभरात कोरोनामुळे 1016 जणांचा मृत्यू नोंदवण्यात आला आहे. देशामध्ये कोरोना व्हायरसमुळे बळी गेलेल्यांची संख्या 71,642 आहे. तर याशिवाय 8,82,542जणांवर देशभर उपचार सुरू आहेत.
ANI ट्विट
India’s total recovered cases have crossed 32.5 lakh today, with 69,564 patients being discharged in the last 24 hours. The recovery rate is now 77.31%: Ministry of Health and Family Welfare https://t.co/9mbBlNSwYc
— ANI (@ANI) September 7, 2020
दरम्यान, देशात हैदराबाद स्थित भारत बायोटेक कंंपनीची कोरोनावरील लस कोव्हॅक्सिन (COVAXIN) च्या मानवी चाचणीचा (Clinical Trials) दुसरा टप्पा आज पासुन सुरु होणार असल्याचे समजत आहे. कोव्हॅक्सिनचे पहिल्या चाचणीतील रिझल्ट समाधानकारक असुन आजपासुन 380 नव्या प्रतिनिधींंवर चाचणी होणार आहे.
(The above story first appeared on LatestLY on Sep 07, 2020 02:05 PM IST. For more news and updates on politics, world, sports, entertainment and lifestyle, log on to our website latestly.com).
