Bank FD Rate Hike: 'या' बँकांच्या ग्राहकांसाठी खूशखबर! FD आणि Savings Bank Account वर मिळणार अधिक व्याज
कोटक महिंद्रा या खासगी क्षेत्रातील बँकेने 2 कोटी रुपयांपेक्षा कमी एफडीवरील व्याजात वाढ केली आहे. काही मुदतीचे व्याजदर आता 10 बेसिस पॉइंट्सने जास्त आहेत.
Bank FD Rate Hike: जर तुमचे खाते सार्वजनिक क्षेत्रातील पंजाब अँड सिंध बँक, कॅनरा बँक किंवा खाजगी क्षेत्रातील बँक कोटक महिंद्रा आणि IDFC फर्स्ट बँकेत असेल तर तुमच्यासाठी ही चांगली बातमी आहे. कारण, या बँकांनी FD आणि बचत खात्यावरील व्याजदरात वाढ केली आहे. या बँकांमधील गुंतवणुकीवर तुम्हाला अधिक नफा मिळू शकतो.
कोटक महिंद्रा या खासगी क्षेत्रातील बँकेने 2 कोटी रुपयांपेक्षा कमी एफडीवरील व्याजात वाढ केली आहे. काही मुदतीचे व्याजदर आता 10 बेसिस पॉइंट्सने जास्त आहेत. 3 वर्षे किंवा त्याहून अधिक मुदतीच्या परंतु 10 वर्षांच्या मुदतीच्या FD वर, आता नियमित ग्राहकांना कमाल 5.90% आणि ज्येष्ठ नागरिकांना 6.40% व्याज मिळेल. 7 दिवसांपासून ते 10 वर्षांपर्यंतच्या गुंतवणुकीवरील व्याजदर ग्राहकांसाठी 2.50% ते 5.90% आणि ज्येष्ठ नागरिकांसाठी 3% ते 6.40% पर्यंत आहे. (हेही वाचा - Indian Railway: खासदारांनी लुटला मोफत रेल्वे प्रवासाचा आनंद; 5 वर्षात केले 62 कोटींचे बिल; माहिती अधिकारात खुलासा)
आयडीएफसी फर्स्ट बँकेने 2 कोटी रुपयांपेक्षा कमी एफडीवरील व्याजदरातही वाढ केली आहे. एफडीवरील व्याजदर बँकेने 5 वर्षांसाठी वाढवले आहेत. 7 दिवस ते 10 वर्षांच्या मुदतीच्या FD वर 3.50% ते 6.00% पर्यंतचे व्याजदर दिले जात आहेत. ज्येष्ठ नागरिकांसाठी, हे दर 7 दिवसांपासून ते 10 वर्षांपर्यंतच्या ठेवींवर 4% ते 6.50% पर्यंत व्याजदराने उपलब्ध असतील. 3 वर्ष 1 दिवसात आणि 5 वर्षांपेक्षा कमी मुदतीच्या ठेवींवर कमाल 7% व्याजदर मिळेल.
बचत खात्यावरील व्याजदर पंजाब अँड सिंध बँकेने बदलले आहेत. आता बचत खातेधारकांना कमाल 3% व्याजदर मिळेल. दुसरीकडे, गुंतवणूकदारांना FD वर कमाल 5.55% व्याजदर मिळेल. बँका आता 1 कोटी रुपयांपर्यंतच्या बचत रकमेवर 2.80% व्याजदर देत आहेत. त्याच वेळी, 1 कोटी ते 100 कोटी बचत बँक ठेवींवर 2.90% व्याजदर दिले जात आहेत. बचत खात्यातील 100 कोटींहून अधिक रकमेवर कमाल 3.00% व्याजदर दिला जात आहे.
कॅनरा बँकेने बचत खात्यावरील व्याजदरात वाढ केली आहे. बँकेने बचत खात्यातील व्याजदरात 5 बेसिस पॉइंट्सने वाढ केली आहे. आता कॅनरा बँक 3.55% चे कमाल व्याज दर देऊ करत आहे. जे इतर बँकांनी देऊ केलेल्या दरांपेक्षा जास्त आहे.
(The above story first appeared on LatestLY on Jul 03, 2022 07:30 PM IST. For more news and updates on politics, world, sports, entertainment and lifestyle, log on to our website latestly.com).
