Bank of Maharashtra च्या ग्राहकांसाठी खुशखबर! बँकेने कार आणि गृहकर्जावरील व्याजदर केला कमी; EMI ही होणार कमी
आरबीआयने गुरुवारी चलनविषयक धोरण जाहीर केले. रेपो दरात कोणताही बदल करण्यात आलेला नाही आणि तो 6.50 टक्क्यांवर स्थिर ठेवण्यात आला आहे. यापूर्वी मे 2022 ते फेब्रुवारी 2023 पर्यंत RBI ने रेपो रेट 2.50 टक्क्यांनी वाढवला होता. यामुळे रेपो दर 4.00 टक्क्यांवरून 6.50 टक्के करण्यात आला.
Bank of Maharashtra Interest Rates: सरकारी क्षेत्रातील बँक ऑफ महाराष्ट्रकडून (Bank of Maharashtra) शनिवारी गृह आणि कार कर्जावरील (Car Loan) व्याजदरात 20 बेसिस पॉइंट्सनी कपात करण्यात आली आहे. यासोबतच बँकेने प्रक्रिया शुल्कही माफ करण्याची घोषणा केली आहे. यामुळे बँकेकडून कर्ज घेणाऱ्या ग्राहकांवरील ईएमआयचा (EMI) बोजा कमी होईल आणि त्यांना पूर्वीपेक्षा कमी हप्ता भरावा लागेल. बँकेने जारी केलेल्या निवेदनात म्हटले आहे की, गृहकर्जाचा व्याजदर 8.50 टक्के करण्यात आला आहे, जो पूर्वी 8.60 टक्के होता. त्याच वेळी, कार कर्जावरील व्याज दर 20 आधार अंकांनी कमी होऊन 8.70 टक्क्यांवर आला आहे, जो पूर्वी 8.90 टक्के होता. नवीन व्याजदर 14 ऑगस्टपासून लागू होणार आहेत.
बँकेने व्याजदरात कपात करण्याबरोबरच प्रक्रिया शुल्कातही सूट देण्याची घोषणा केली आहे. व्याजदर आणि प्रक्रिया शुल्कात सूट देण्याच्या घोषणेमुळे ग्राहकांना दिलासा मिळणार आहे. किरकोळ योजना, शैक्षणिक कर्ज आणि सुवर्ण कर्जामध्ये यापूर्वीचे प्रक्रिया शुल्क माफ करण्यात आले आहे. (हेही वाचा -EPF E-Nomination: ईपीएफ ई-नामांकन कसे करावे? जाणून घ्या स्टेप-बाय-स्टेप प्रोसेस)
आरबीआयने गुरुवारी चलनविषयक धोरण जाहीर केले. रेपो दरात कोणताही बदल करण्यात आलेला नाही आणि तो 6.50 टक्क्यांवर स्थिर ठेवण्यात आला आहे. यापूर्वी मे 2022 ते फेब्रुवारी 2023 पर्यंत RBI ने रेपो रेट 2.50 टक्क्यांनी वाढवला होता. यामुळे रेपो दर 4.00 टक्क्यांवरून 6.50 टक्के करण्यात आला.
याशिवाय, गृहकर्जापासून कार कर्जापर्यंतचा व्याजदर 2.50 ते 3.00 टक्क्यांपर्यंत वाढला असून लोकांना पूर्वीपेक्षा जास्त ईएमआय भरावा लागला आहे. अशा परिस्थितीत बँक ऑफ महाराष्ट्रकडून व्याजदर कमी केल्यास लोकांच्या ईएमआयचा बोजा कमी होईल.
(The above story first appeared on LatestLY on Aug 12, 2023 04:45 PM IST. For more news and updates on politics, world, sports, entertainment and lifestyle, log on to our website latestly.com).
