Prayagraj (UP): प्रथमच अनुसूचित जातीच्या संताला देण्यात आली 'जगद्गुरू' ही पदवी

Prayagraj (UP), 30 April: प्रथमच अनुसूचित जातीतील संताला 'जगद्गुरू' ही पदवी देण्यात आली आहे. देशातील १३ आखाड्यांपैकी एक असलेल्या जुना आखाड्याने महामंडलेश्वर महेंद्रानंद गिरी यांना ही पदवी बहाल केली. महेंद्रानंद यांचे शिष्य कैलाशानंद गिरी यांना महामंडलेश्वर आणि राम गिरी यांना श्री महंत ही पदवी देण्यात आली. हे दोन्ही संतही अनुसूचित जातीतील आहेत. प्रयागराज येथील जुना आखाड्यातील सिद्धबाबा मौज गिरी आश्रमात सोमवारी मंत्रोच्चारात या संतांना दीक्षा देण्यात आली. स्वामी महेंद्रानंद हे मूळचे गुजरातमधील सौराष्ट्र राजकोट जिल्ह्यातील बनाला गावचे आहेत.

तिन्ही संत मूळचे गुजरातचे आहेत. यावेळी जुना आखाड्याचे आंतरराष्ट्रीय अध्यक्ष काशी सुमेरू पीठाधीश्वर जगद्गुरू स्वामी नरेंद्रनंद सरस्वती यांच्यासह श्री दुधेश्वर पीठाधीश्वर महंत प्रेम गिरी, जुना आखाड्याचे आंतरराष्ट्रीय प्रवक्ते महंत नारायण गिरी, महामंडलेश्वर वैभव गिरी यांनी पदवी प्राप्त संतांना पुष्पहार देऊन स्वागत केले. समारंभात महेंद्रानंद आणि कैलाशानंद यांना सिंहासनावर बसवण्यात आले आणि त्यांना छत्र देण्यात आले.

स्वामी नरेंद्रानंद सरस्वती म्हणाले, "जुना आखाडा हे भगवान श्री राम यांनी दाखविलेल्या सामाजिक समरसतेच्या मार्गावर चालत आहे. महामंडलेश्वर कैलाशानंद यांनी सनातन धर्म स्वीकारलेल्या अनुसूचित जातीच्या लोकांमध्ये सामील होण्याचा संकल्प केला.