Assembly Election Results 2023: राज्यांमध्ये विजय मिळताच भाजपच्या 10 खासदारांचा लोकसभेचा राजीनामा

राजस्थान (Rajasthan), मध्य प्रदेश (Madhya Pradesh) आणि छत्तीसगड (Chhattisgarh) या तीन राज्यांतील विधानसभा निवडणुकीत विजयी झालेल्या भारतीय जनता पक्षाच्या (BJP) 12 पैकी दहा खासदारांनी बुधवारी आपल्या लोकसभेच्या जागांचा राजीनामा दिला. भाजपचे प्रमुख जेपी नड्डा यांच्या नेतृत्वाखाली खासदारांच्या शिष्टमंडळाने सभापतींची भेट घेऊन राजीनामा सादर केला. सभापतींना भेटलेल्यांमध्ये नरेंद्र तोमर, प्रल्हाद पटेल, रिती पाठक, राकेश सिंग, मध्य प्रदेशातील उदय प्रताप सिंग यांचा समावेश होता. राजस्थानमधून, राजीनामे सादर करणाऱ्या खासदारांमध्ये राज्यवर्धन राठोड, किरोडी लाल मीना आणि दिया कुमारी यांचा समावेश होता, तर अरुण साओ आणि गोमती साई हे छत्तीसगडचे खासदार होते. बाबा बालकनाथ आणि रेणुका सिंह यांनी अद्याप राजीनामा दिला नाही. (हेही वाचा - New Faces For CM Posts: भाजप चेहरा बदलण्याच्या तयारीत? तीन राज्यांमध्ये मुख्यमंत्री पदासाठी वेगवेगळ्या नावांची चर्चा)

पाहा पोस्ट -

All BJP MPs, who contested and won the State Assembly Elections have resigned. As of now, a total of 10 MPs have resigned. Two other MPs Baba Balaknath & Renuka Singh did not come today.

BJP President J.P. Nadda led the delegation of these MPs during the meeting with the PM, Lok…

— ANI (@ANI) December 6, 2023

छत्तीसगड, राजस्थान आणि मध्य प्रदेशमध्ये भाजपने काँग्रेसला चिरडून तीनही राज्यांमध्ये बहुमताचा आकडा पार केल्यानंतर भाजप सरकार स्थापन करण्याच्या तयारीत आहे. राजस्थान, छत्तीसगड आणि तेलंगणाच्या मुख्यमंत्र्यांनी आपापल्या राज्यपालांना राजीनामे सुपूर्द केले आहेत. या राज्यांतील विधानसभा निवडणुका पुढील वर्षीच्या लोकसभा निवडणुकीपूर्वी सेमीफायनल म्हणून ओळखल्या जात होत्या.

(The above story first appeared on LatestLY on Dec 06, 2023 03:51 PM IST. For more news and updates on politics, world, sports, entertainment and lifestyle, log on to our website latestly.com).