Haryana Murder Case: हरियाणातील मोर्नी जंगलात 34 वर्षीय व्यक्तीची निर्दयीपणे हत्या, पोलिसांनी आरोंपींच्या आवळल्या मुसक्या

हरियाणाच्या (Haryana) पंचकुला (Panchkula) जिल्ह्यातील मोर्नी जंगलात (Morney Forest) सोमवारी रात्री 34 वर्षीय व्यक्तीची निर्दयीपणे हत्या (Murder) करण्यात आली आहे. बेरवाला (Berwala) गावात ही घटना घडली आहे. राजीव कुमार असे मृताचे नाव आहे. तो डेरा बस्सीतील सहदपुराचा रहिवासी होता. या प्रकरणी पोलिसांनी (Haryana Police) दोन संशयितांना अटक केली आहे. अटक करण्यात आलेल्या आरोपींची ओळख गुरविंदर सिंह आणि जसपाल सिंह अशी आहेत. दोघेही डेरा बस्सीचे रहिवासी आहेत. ते मृतांना ओळखत होते. कुमार यांची निर्दयीपणे हत्या धारदार शस्त्राने करण्यात आली. पोलीस घटनास्थळी पोहोचले तेव्हा आरोपी मृतदेहाची विल्हेवाट लावण्याचा प्रयत्न करत होते. आरोपींनी पोलिस कर्मचाऱ्यांवर धाव घेण्याचा प्रयत्न केला. मात्र पोलीस कर्मचारी बचावले. ते त्यांच्या कारमध्ये पळून गेले. परंतु वाहनाला वाटेतच अपघात झाला. नंतर त्यांना जंगलातून अटक करण्यात आली.

महाबीर, होमगार्ड जवान, मीडिया हाऊसला सांगितले की, पोलीस या भागात गस्त घालत होते. रात्री साडे अकराच्या सुमारास त्यांनी घटनास्थळी दोन लोकांना बसलेले पाहिले. पोलिसांना पाहून आरोपींनी पळून जाण्याचा प्रयत्न केला. परिसरात शोध घेतल्यानंतर पोलिसांना राजीवचा मृतदेह सापडला. गुन्ह्याच्या ठिकाणापासून सुमारे दोन किलोमीटर अंतरावर पोलिसांनी आरोपींची कारही जप्त केली. त्यांच्याकडून मोबाईल फोन आणि कागदपत्रेही जप्त करण्यात आली. हेही वाचा Bihar Shocker: बॅंक व्यवस्थापकाचे पोटच्या मुलीवर 3 वर्ष लैंगिक अत्याचार, पत्नीच्या तक्रारीनंतर अटक

पोलीस आयुक्त सौरभ सिंह, डीसीपी मोहित हांडा आणि गुन्हे शाखेचे एक पथक घटनास्थळी पोहोचले. पोलिसांनी नमुने गोळा केले आणि मृतदेह पंचकुलाच्या सेक्टर 6 मधील सिव्हिल हॉस्पिटलमध्ये पाठवला. दोन्ही आरोपीं विरोधात भारतीय दंड संहितेच्या कलम 201, 302, 307 आणि 34 नुसार गुन्हा दाखल करण्यात आला आहे. तपासात असे उघड झाले की कुमार पूर्वी एका खाजगी कंपनीत काम करत होता पण त्याची नोकरी गेली. संशयितांपैकी एक प्रॉपर्टी डीलर आहे.

एसएचओ अरविंद कांबोज म्हणाले, दोन्ही संशयितांना अटक करण्यात आली आहे. ते म्हणाले की, प्राथमिक तपासात असे समोर आले की पीडित राजीव आधी एका कंपनीत काम करत होता आणि आता तो बेरोजगार होता. संशयित गुरविंदर हा प्रॉपर्टी डीलर होता आणि त्याने अजून जसपाल सिंगची चौकशी करणे बाकी होते. ते म्हणाले की, दोन्ही संशयितांना उद्या न्यायालयात हजर केले जाईल.

(The above story first appeared on LatestLY on Sep 16, 2021 12:10 AM IST. For more news and updates on politics, world, sports, entertainment and lifestyle, log on to our website latestly.com).