Delhi Mundka Fire: भीषण आगीत 27 ठार, 50 हून अधिक बचावले, अनेक जण अजूनही बेपत्ता, शोध सुरू

अग्निशमन दलाच्या 30 गाड्या घटनास्थळी पोहोचल्या असून आग विझवण्यात गुंतल्या आहेत. पंतप्रधान मोदींनी या घटनेबद्दल शोक व्यक्त केला आहे. रात्री उशिरा आग आटोक्यात आणण्यात आली मात्र अजूनही धूर आणि ढिगाऱ्यात बेपत्ता झालेल्यांचा शोध सुरू आहे. अग्निशमन दलाचे अधिकारी सतपाल बर्द्वाज यांनी सांगितले की, इतर कोणतेही मृतदेह सापडले नाहीत.

Delhi Fire (Photo Credit - Twitter)

दिल्लीतील मुंडका परिसरातील एका तीन मजली इमारतीला शुक्रवारी सायंकाळी भीषण आग (Delhi Mundka Fire) लागली. या अपघातात 27 जणांचा मृत्यू झाला. 50 लोकांना सुरक्षित बाहेर काढण्यात आले आहे. जखमींना रुग्णालयात दाखल करण्यात आले आहे. जखमींची संख्या 12 झाली आहे. या अपघातात अग्निशमन दलाच्या दोन जवानांचाही मृत्यू झाला. अजूनही अनेक लोक इमारतीत अडकले आहेत. अनेक लोक बेपत्ता असल्याचे सांगण्यात येत आहे. त्यांचा शोध सुरूच आहे. ग्रीन कॉरिडॉर करून जखमींना संजय गांधी रुग्णालयात पाठवण्यात आले. अग्निशमन दलाच्या 30 गाड्या घटनास्थळी पोहोचल्या असून आग विझवण्यात गुंतल्या आहेत. पंतप्रधान मोदींनी या घटनेबद्दल शोक व्यक्त केला आहे. रात्री उशिरा आग आटोक्यात आणण्यात आली मात्र अजूनही धूर आणि ढिगाऱ्यात बेपत्ता झालेल्यांचा शोध सुरू आहे. अग्निशमन दलाचे अधिकारी सतपाल बर्द्वाज यांनी सांगितले की, इतर कोणतेही मृतदेह सापडले नाहीत.

याशिवाय पोलीसही बचावकार्यात गुंतले आहेत. या इमारतीत अनेक कंपन्यांची कार्यालये आणि कारखाने आहेत. आग लागल्यानंतर या कार्यालयांमध्ये काम करणारे अनेकजण इमारतीत अडकले होते. अपघातात मृत्युमुखी पडलेल्यांच्या कुटुंबीयांना पंतप्रधान मदत निधीतून 2 लाख रुपये आणि जखमींना 50 हजार रुपये देण्यात येणार आहेत. पंतप्रधान कार्यालयाने जारी केलेल्या ट्विटमध्ये ही माहिती देण्यात आली आहे.

Tweet

Delhi | NDRF team reaches the spot near Mundka metro station where a massive fire broke out in a building, this evening.
"27 bodies have been recovered and 8 injured have been admitted to the hospital," said Delhi Health Minister Satyendra Jain pic.twitter.com/XjQr1BZTjs
— ANI (@ANI) May 13, 2022

बचाव कार्य सुरू

माहिती मिळताच पोलीस आणि अग्निशमन दलाचे जवान घटनास्थळी पोहोचले आणि स्थानिक लोकांच्या मदतीने मदत आणि बचाव कार्य सुरू केले. आगीच्या भक्ष्यस्थानी असलेल्या इमारतीत अडकलेल्या सुमारे 60 जणांना दोरीच्या सहाय्याने बचाव कर्मचार्‍यांनी बाहेर काढले. इमारतीत अनेक लोक अडकल्याची भीती आहे. आग विझल्यानंतर शोधमोहीम सुरू केली जाईल, असे पोलिस अधिकाऱ्यांचे म्हणणे आहे. त्यानंतरच परिस्थिती स्पष्ट होईल. आग आटोक्यात आल्यानंतरच आगीचे नेमके कारण समजेल. दिल्ली पोलिसांनी इमारतीचे मालक हरीश गोयल आणि वरुण गोयल यांना ताब्यात घेतले आहे.

एनडीआरएफची टीम घटनास्थळी

एनडीआरएफची टीम घटनास्थळी पोहोचली आहे. अग्निशमन विभागासोबतच आपत्ती निवारण दलही मदत आणि बचाव कार्यात गुंतले आहे. (हे देखील वाचा: Madhya Pradesh: दारु प्यायला पण नशाच नाही चढली, थेट गृहमंत्रालयाकडेच तक्रार, महसूल विभागानेही घेतली दखल)

मृतांचा आकडा वाढू शकतो

अपघातानंतर रात्री उशिरा, बाहेरील दिल्लीचे पोलीस उपायुक्त समीर शर्मा यांनी सांगितले की, 27 जणांचा मृत्यू झाला असून 12 जण जखमी झाले आहेत. मृतदेहांची ओळख पटवण्यासाठी फॉरेन्सिक टीमची मदत घेणार आहोत. एफआयआर नोंदवण्यात आला आहे. आम्ही कंपनी मालकांना ताब्यात घेतले आहे. बचावकार्य अद्याप पूर्ण व्हायचे असल्याने आणखी मृतदेह बाहेर काढले जाण्याची भीती आहे.