यशवंत देव यांच्या निधनानंतर कुमार विश्वासने मराठीत ट्विट करून वाहिली श्रद्धांजली
सलील कुलकर्णी, स्पृहा जोशी, स्वप्नील जोशी, महाराष्ट्राचे मुख्यमंत्री देवेंद्र फडणवीस, सांस्कृतिक मंत्री विनोद तावडे तसेच प्रसिद्ध कवी कुमार विश्वास यांनी सुद्धा मराठीत यशवंत देवांना आदरांजली वाहिली आहे.
जेष्ठ संगीतकार आणि गीतकार यशवंत देव याचं आज पहाटे ९२ व्या वर्षी निधन झाले. मुंबईतल्या शुश्रूषा रुग्णालयात त्यांनी अखेरचा श्वास घेतला. त्यांच्या जाण्याने अर्थातच मराठी संगीत विश्वात शोककळा पसरली आहे. अनेक मराठी कलाकार आणि नेत्यांनी त्यांना आदरांजली वाहिली आहे. पण प्रसिद्ध हिंदी कवी आणि आम आदमी पक्षाचे नेते कुमार विश्वास यांनी खास मराठीत श्रद्धांजली वाहिली. त्यांनी 'शुभ्र तुरे माळून आल्या' हे गाणंं ट्विट करत आपल्या भावना व्यक्त केल्या. विशेष म्हणजे त्यांनी या गाण्याची लिंक सुद्धा जोडली आहे. नक्की वाचा: संगीतकार यशवंत देव यांना देवेंद्र फडणवीस यांची श्रद्धांजली, मराठी भावगीतांना समृद्ध करणारे व्यक्तिमत्व हरपल्याची भावना.
पहा कुमार विश्वास याचं ट्विट
शुभ्र तुरे माळून आल्या
निळ्या निळ्या लाटा
रानफुले लेवून सजल्या
या हिरव्या वाटा
या सुंदर यात्रेसाठी
मला जाऊ दे रे
तुझे गीत गाण्यासाठी सूर लावू दे रे...! 🙏#यशवंतदेव #श्रद्धांजली https://t.co/jM2NhdrqYt
— Dr Kumar Vishvas (@DrKumarVishwas) October 30, 2018
मराठी कालारांनी सुद्धा यशवंत देवांना आदरांजली वाहिली. सलील कुलकर्णी, स्पृहा जोशी, स्वप्नील जोशी, महाराष्ट्राचे मुख्यमंत्री देवेंद्र फडणवीस, सांस्कृतिक मंत्री विनोद तावडे तसेच प्रसिद्ध कवी कुमार विश्वास यांनी सुद्धा आपल्या भावना व्यक्त केल्या आहेत.
सलील कुलकर्णी यांनी फेसबुक वर आदरांजली वाहिली
'असेन मी नसेन मी तरी असेल गीत हे' असं लिहून अभिनेत्री स्पृहा जोशीने देवांना आदरांजली वाहिली
असेन मी नसेन मी तरी असेल गीत हे.. देव काका.. 🙏🙏 rest in peace...
— Spruha Joshi (@spruhavarad) October 30, 2018
महाराष्ट्राचे सांस्कृतिक मंत्री विनोद तावडे यांची श्रद्धांजली
शब्दप्रधान गायकीचे महत्त्व जपणारे आणि मराठी भावसंगीतावर ‘शतदा प्रेम’ करायला लावणारे ज्येष्ठ संगीतकार, गायक, कवी, गीतकार पं. यशवंत देव यांना भावपूर्ण श्रद्धांजली!
— Vinod Tawde (@TawdeVinod) October 30, 2018
मराठी चित्रपट आणि भावगीत यांच्या सोबत देवांनी नाटकांसाठी सुद्धा संगीत दिले. तसेच त्यांनी काही गाणी लिहिली सुद्धा होती. ‘भातुकलीच्या खेळामधली’, ‘येशील येशील’, ‘असेन मी नसेन मी’, ‘जीवनाची ही घडी अशीच राहू दे’ अशी अजरामर गाणी देवांनी रसिकांना दिली.
(The above story first appeared on LatestLY on Oct 30, 2018 04:22 PM IST. For more news and updates on politics, world, sports, entertainment and lifestyle, log on to our website latestly.com).
