Vikram Gokhale: ज्येष्ठ अभिनेते विक्रम गोखले यांचे निधन; मनोरंजन क्षेत्रात बहुआयामी भूमिका करणाऱ्या अभिनेत्याची कारकीर्द जाणून घ्या

Vikram Gokhale : मराठी, हिंदी सिनेसृष्टी व रंगभूमीचे ज्येष्ठ अभिनेते विक्रम गोखले (Vikram Gokhale) यांचे पुण्यात निधन झाले. गेल्या काही दिवसांपासून त्यांच्यावर पुण्यातील (Pune) दीनानाथ मंगेशकर रुग्णालयात (Dinanath Mangeshkar Hospital) दाखल करण्यात आले होते. मात्र, आज अखेर त्यांची झुंज अयशस्वी ठरली.

विक्रम गोखले यांचे चित्रपटसृष्टीतील योगदान -

विक्रम गोखले हे अमिताभ बच्चन स्टारर 'परवाना', 'हम दिल दे चुके सनम', 'अग्निपथ' आणि 'खुदा गवाह' यांसारख्या चित्रपटांमधील ऑन-स्क्रीन भूमिकांसाठी ओळखले जातात. भारतीय चित्रपटसृष्टीत स्वत:ची ओळख निर्माण करणाऱ्या या प्रख्यात स्टारला 'अनुमती' या मराठी चित्रपटातील अभिनयासाठी 2010 मध्ये सर्वोत्कृष्ट अभिनेत्याचा राष्ट्रीय पुरस्कारही मिळाला आहे. टेलिव्हिजनमध्ये त्यांनी 'घर आजा परदेसी', 'अल्पविराम', 'जाना ना दिल से दूर', 'संजीवनी', 'इंद्रधनुष' या लोकप्रिय शोमध्ये काम केले आहे. (हेही वाचा -Vikram Gokhale Passes Away: ज्येष्ठ अभिनेते विक्रम गोखले यांचे निधन, पुणे येथे 82 व्या वर्षी घेतला अखेरचा श्वास)

गोखले हे मराठी रंगभूमी आणि चित्रपट अभिनेते चंद्रकांत गोखले यांचे पुत्र आहेत आणि प्रादेशिक चित्रपटसृष्टीतील त्यांच्या कार्यकाळानंतर, अभिनेत्याने 2010 मध्ये 'आघात' नावाच्या चित्रपटाद्वारे दिग्दर्शनात पदार्पण केले. अभिनयासोबतच त्यांनी लेखन आणि दिग्दर्शन देखील केले. (हेही वाचा - ज्येष्ठ अभिनेते Vikram Gokhale यांचा नवा चित्रपट; स्वतः केले लेखन, संपादन, संगीत आणि दिग्दर्शन, ‘या’ बॉलीवूड अभिनेत्रीचा समावेश)

अभिमन्यू दासानी आणि शिल्पा शेट्टी स्टारर 'निकम्मा' हा त्याचा शेवटचा चित्रपट होता, जो या वर्षी जूनमध्ये थिएटरमध्ये प्रदर्शित झाला होता. विक्रम गोखले हे सामाजिक कार्यकर्तेही होते. त्यांच्या कुटुंबाचे चॅरिटेबल फाउंडेशन अपंग सैनिक, कुष्ठरोग्यांची मुले आणि अनाथ मुलांचे शिक्षण यासाठी आर्थिक मदत करते.

(The above story first appeared on LatestLY on Nov 26, 2022 03:02 PM IST. For more news and updates on politics, world, sports, entertainment and lifestyle, log on to our website latestly.com).