Aryan Khan Clothing Brand: आर्यन खानने लाँच केला D'YAVOL कपड्यांचा ब्रँड; किंमत पाहून नेटीझन्स म्हणाले, 'किडनी विकावी लागेल'
शाहरुखच्या फॅन क्लबकडून एक फोटो शेअर करण्यात आला आहे, ज्यामध्ये फॅन क्लबकडून चार टी-शर्ट ऑर्डर करण्यात आल्याचे सांगण्यात आले आहे. यात या चार शर्टची एकूण किंमतही सांगितली आहे.
Aryan Khan Clothing Brand: शाहरुख खान (Shah Rukh Khan) चा मुलगा आर्यन खान (Aryan Khan) याने काही दिवसांपूर्वीच त्याच्या कपड्यांच्या ब्रँडची घोषणा केली होती. वडिलांच्या छत्रछायेशिवाय आर्यन खानने स्वतःचा D'YAVOL X हा बँड सुरू केला आहे. ब्रँडची घोषणा करण्यासाठी आर्यन खानने स्वतः जाहिरात दिग्दर्शित केली होती. तर शाहरुख खान देखील आपल्या मुलाला याकरिता सपोर्ट करताना दिसला होता. रविवारी, 30 एप्रिल रोजी या ब्रँडचे कपडे लाँच करण्यात आले. साईट ओपन होताच लेटेस्ट ब्रँड्सचे कपडे पाहण्यासाठी चाहत्यांची गर्दी जमली. चाहत्यांच्या आवडीनुसार अनेक ब्रँडचे हुडीज आणि टी-शर्ट D'YAVOL X वर उपलब्ध करून दिले आहेत. काही चाहत्यांनी कपडे खरेदी केले, तर काहींना त्यांची किंमत पाहून धक्काच बसला. कपड्यांच्या किमतीवर अनेक युजर्सनी सोशल मीडियावर आपली प्रतिक्रिया शेअर केली आहे. मग काय, सोशल मीडियावर कपड्यांच्या किमतीबाबत जोक्स येताच मीम्स बनवायला सुरुवात झाली.
आर्यन खानच्या कपड्यांच्या ब्रँडची किंमत पाहून अनेकांनी मजेशीर कमेंट केल्या आहेत. सलमान खानच्या 'तेरे नाम' चित्रपटातील एक भावनिक व्हिडिओ शेअर करताना एका यूजरने लिहिले की, 'या लोकांनी चित्रपटाच्या तिकिटाच्या किमतीपेक्षा कपड्याची किंमत जास्त ठेवली आहे. आपल्यासाठी चांगले दिवस कधी येणार? काहीतरी तरी करा भाऊ.' (हेही वाचा -AR Rahman Concert Stopped In Pune: पुणे पोलिस अॅक्शन मोडमध्ये! प्रसिद्ध संगीतकार एआर रहमान यांचा कार्यक्रम केला बंद; Watch Video)
एका यूजरने रडणारी स्मायली देताना लिहिले, "ये क्या कीमत है." 33 हजार टी-शर्ट, 45 हजार हुडी आणि दोन लाख जॅकेट." आविष्कार नावाच्या युजरने लिहिले, #DyavolX हे आमच्या मध्यमवर्गीय लोकांसाठी नाही.
They are Selling Clothes that Cost More Than Our Film
When Will Such Good Days Come for us,
at least do something Bhoi 😭😭#DyavolX #ShahRukhKhan𓀠 #AryanKhan pic.twitter.com/jljLssunYG
— Salman's World 🐦 (@Salmans_World_) April 30, 2023
What are these prices😭
33k for a T shirt
45k for a Hoodie
2L for a jacket
#DyavolX pic.twitter.com/NAi8rzn7SK
— WordMinter (@SimonMinter7_) April 30, 2023
शाहरुखच्या फॅन क्लबकडून एक फोटो शेअर करण्यात आला आहे, ज्यामध्ये फॅन क्लबकडून चार टी-शर्ट ऑर्डर करण्यात आल्याचे सांगण्यात आले आहे. यात या चार शर्टची एकूण किंमतही सांगितली आहे. XL आकार #DyavolX डक नावाचा टी-शर्ट रु. 48,800, XL आकाराचा अल्फा टी-शर्ट रु. 45,500, सिग्नेचर X टी-शर्ट L आकाराचा 4,01,110 रु. आणि सिग्नेचर X लहान आकाराचा टी-शर्ट 200, 555 रु. त्यांची एकूण किंमत 6,95,965 रुपये आहे.
When #SRKians opened the #DyavolX website after huge promotion 🥲💔:pic.twitter.com/QYRQmMCx8b
— ♘ 𝐀𝓥Ⓘ𝐧𝐚Ⓢ𝐡 𓀠☜ (@ImmortalAvi23) April 30, 2023
स्वतःची फॅशन लाइन उघडल्यानंतर आर्यन खान दिग्दर्शनातही पदार्पण करणार आहे. तो एका वेब सीरिजचे दिग्दर्शन करताना दिसणार असल्याची चर्चा आहे. याआधी त्याने 'द लायन किंग'मधील सिम्बाच्या व्यक्तिरेखेसाठी त्याने व्हॉईस ओव्हर केला होता.
(The above story first appeared on LatestLY on May 01, 2023 01:39 PM IST. For more news and updates on politics, world, sports, entertainment and lifestyle, log on to our website latestly.com).
