Rocket Attack in Golan Heights: गोलन हाइट्समध्ये रॉकेट हल्ल्यात 10 ठार, हिजबुल्लाहने हल्ला केला नसल्याचे म्हंटले

Rocket Attack in Golan Heights: इस्त्रायल-नियंत्रित गोलान हाइट्समधील माजदल शम्सच्या ड्रुझ शहरातील फुटबॉल मैदानावर झालेल्या रॉकेट हल्ल्यात लहान मुलांसह दहा जण ठार झाले आहेत. इस्रायली मीडियाने ही माहिती दिली आहे. घटनास्थळी हेलिकॉप्टर आणि रुग्णवाहिका पाठवण्यात आली, जखमींना मेडिकल सेंटरमध्ये नेण्यात आले. सिन्हुआ या वृत्तसंस्थेने इस्रायलच्या सरकारी प्रसारण टीव्हीच्या हवाल्याने म्हटले आहे. "आम्ही पोहोचलो आणि वस्तू जळताना पाहिल्या. जमिनीवर पडलेले जखमी लोक होते आणि ते दृश्य भयानक होते," असे देशाच्या आपत्कालीन वैद्यकीय सेवा मॅगेन डेव्हिड अडोमचे वरिष्ठ डॉक्टर इदान अवशालोम यांनी सांगितले.

इस्त्रायली मीडियाने सांगितले की, हे रॉकेट हेजबुल्लाह दहशतवादी गटाने लेबनॉनमधून डागले होते, तर हिजबुल्लाहने शनिवारी संध्याकाळी हल्ल्यात कोणताही सहभाग नाकारला आणि शिया गटाचा "या घटनेशी काहीही संबंध नसल्याचे सांगितले." हिजबुल्लाच्या नकारानंतर, इस्रायल संरक्षण दल ( IDF) ने एका निवेदनात म्हटले आहे की "IDF चे मूल्यांकन आणि आमच्याकडे उपलब्ध असलेल्या गुप्त माहितीनंतर, मजदल शम्सवर रॉकेट फायर हिजबुल्लाने केले होते".

कान टीव्हीने दिलेल्या वृत्तानुसार, इस्रायलचे संरक्षण मंत्री योव गॅलांट, आर्मी चीफ ऑफ स्टाफ हर्झी हालेवी आणि इतर वरिष्ठ संरक्षण अधिकाऱ्यांनी हल्ल्यानंतर परिस्थितीचा आढावा घेतला.

इस्रायलच्या पंतप्रधान कार्यालयाने सांगितले की, पंतप्रधान बेंजामिन नेतन्याहू, जे सध्या युनायटेड स्टेट्स दौऱ्यावर आहेत, त्यांना या घटनेची माहिती देण्यात आली आहे आणि ते वरिष्ठ सुरक्षा अधिकाऱ्यांशी सुरक्षा सल्लामसलत करत आहेत. इस्त्रायलने आपली पहिली वस्ती वेस्ट बँकमध्ये नाही तर गोलान हाइट्समध्ये बांधली आहे.  1980 मध्ये गोलान हाइट्सवर औपचारिकपणे ताबा मिळवला, ज्यासाठी संयुक्त राष्ट्र सुरक्षा परिषदेने त्याचा निषेध केला.