Maldives Parliament Fight Video: मालदीवच्या संसदेत हाणामारी; मुइज्जू मंत्रिमंडळासाठी मतदान करताना सदस्य भिडले, Watch Video
मालदीवच्या संसदेत असे अनियंत्रित दृश्य राष्ट्राध्यक्ष मोहम्मद मुइज्जू यांच्या मंत्रिमंडळातच पाहायला मिळाले आहे. मुइझ्झू यांच्या मंत्रिमंडळाच्या महत्त्वपूर्ण मतदानापूर्वी विरोधी खासदारांशी सत्ताधारी आघाडीने संघर्ष केल्याने मालदीवच्या संसदेत गोंधळ उडाला. त्यामुळे सभागृहाचे मुख्य कामकाज विस्कळीत झाले.
Maldives Parliament Fight Video: भारताशी पंगा घेणारे मालदीवचे (Maldives) अध्यक्ष मोहम्मद मुइज्जू (Mohammed Muizzoo) यांना चांगलाचं धक्का बसला आहे. मालदीवच्या संसदेत विरोधी खासदारांनी मुइज्जूच्या पक्षाच्या खासदारांना एका मुद्द्यावरून झालेल्या वादावरून मारहाण केली. इतर नेत्यांनी मध्यस्थी केल्यावरच प्रकरण शांत झाले. त्यामुळे सभागृहाचे कामकाज विस्कळीत झाले. भारतविरोधी कारवाया आणि चीनवरील प्रेमामुळे मुइझू सतत विरोधकांच्या निशाण्यावर असतात. मुख्य अधिवेशनादरम्यान पक्षाचे खासदार आणि विरोधकांमध्ये हाणामारी झाल्याने संसदेत गोंधळ झाला.
मालदीवच्या संसदेत असे अनियंत्रित दृश्य राष्ट्राध्यक्ष मोहम्मद मुइज्जू यांच्या मंत्रिमंडळातच पाहायला मिळाले आहे. मुइझ्झू यांच्या मंत्रिमंडळाच्या महत्त्वपूर्ण मतदानापूर्वी विरोधी खासदारांशी सत्ताधारी आघाडीने संघर्ष केल्याने मालदीवच्या संसदेत गोंधळ उडाला. त्यामुळे सभागृहाचे मुख्य कामकाज विस्कळीत झाले. मीडिया रिपोर्ट्सनुसार, राष्ट्रपती मोहम्मद मुइज्जू यांच्या मंत्रिमंडळातील मंत्र्यांना संसदेची मंजुरी घेण्यासाठी बोलावलेल्या विशेष सत्रादरम्यान हाणामारी झाली. (हेही वाचा -Mohammad Muizzu: "आमच्यावर दादागिरी करण्याचा कोणाचाही अधिकार नाही" चीनमधून परतताच मालदीवचे राष्ट्राध्यक्ष मुइज्जू पुन्हा बरळले)
पहा व्हिडिओ -
More dramatic visuals from Maldives Parliament. Members of the ruling party are attempting to prevent the speaker from continuing the parliamentary session amid vote on the approval of Muizzu's Cabinet.pic.twitter.com/jBY5FmoOFT https://t.co/PHxt4CiOuS
— Sidhant Sibal (@sidhant) January 28, 2024
पीपल्स नॅशनल काँग्रेस (पीएनसी) आणि प्रोग्रेसिव्ह पार्टी ऑफ मालदीव्स (पीपीएम) चे सरकार समर्थक खासदार माजी अध्यक्ष इब्राहिम मोहम्मद सोलिह यांच्या नेतृत्वाखालील मालदीवियन डेमोक्रॅटिक पार्टी (एमडीपी) च्या विरोधात बाहेर पडले, ज्यांचे संसदेत बहुमत आहे. स्थानिक वृत्तवाहिन्यांनी सांगितले की, अध्यक्ष मोहम्मद मुइझ्झू यांच्या मंत्रिमंडळातील चार सदस्यांची मान्यता रोखण्यात आली आहे. यामुळे सोलिह खासदार संतप्त झाले आणि त्यांच्यात हाणामारी सुरू झाली. व्हायरल झालेल्या व्हिडीओमध्ये खासदार एकमेकांना जमिनीवर फेकताना आणि एकमेकांना लाथा मारताना दिसत आहेत.
(The above story first appeared on LatestLY on Jan 28, 2024 08:13 PM IST. For more news and updates on politics, world, sports, entertainment and lifestyle, log on to our website latestly.com).
