Elon Musk यांचा ट्विटर बोर्डमध्ये समावेश होणार नाहीत; CEO पराग अग्रवाल यांची माहिती
गेल्या आठवड्याच्या सुरुवातीला एलोन मस्कने ट्विटरमध्ये 9.2% शेअर्स खरेदी केले होते. यासह ते कंपनीचे सर्वात मोठे शेअरहोल्डर बनले आहेत.
ट्विटरमध्ये हिस्सा विकत घेतल्यानंतर एलोन मस्क (Elon Musk) ट्विटर बोर्डात सामील झाल्याच्या बातम्या येत होत्या. ट्विटरचे सीईओ पराग अग्रवाल (Parag Agarwal) यांनीही त्यांना बोर्डात समाविष्ट केल्याची माहिती शेअर केली होती. परंतु, एलोन मस्क ट्विटर बोर्डात सामील होणार नाहीत. खुद्द पराग अग्रवाल यांनी ही माहिती दिली आहे. पराग अग्रवाल यांनीही त्यांच्या ट्विटसोबत एक नोट शेअर केली आहे.
ट्विटरचे सीईओ पराग अग्रवाल यांनीही त्यांच्या ट्विटसोबत एक संक्षिप्त नोट शेअर केली आहे. या नोटमध्ये त्यांनी म्हटले आहे की, 'एलोन मस्कने आमच्या बोर्डात न जाण्याचा निर्णय घेतला आहे. येथे घडलेल्या गोष्टी मी तुमच्यासोबत शेअर करत आहे. एलोन मस्कच्या बोर्डात सामील होण्याबद्दल बोर्ड आणि माझी बरीच चर्चा झाली. स्वतः एलॉनशी थेट चर्चा झाली आहे. (हेही वाचा - Pakistan Political Update: Shehbaz Sharif होणार पाकिस्तानचे नवे पंतप्रधान? विरोधकांनी एकजुटीने केलं PM पदासाठी नॉमिनेट)
आम्ही सहयोग करण्यास उत्सुक होतो आणि जोखमीबद्दल देखील स्पष्ट होतो. एक जबाबदार व्यक्ती म्हणून कंपनीत एलोनच्या उपस्थितीबद्दलही आम्हाला खात्री होती. जिथे ते, इतर बोर्ड सदस्यांसह, कंपनी आणि आमच्या भागधारकांच्या हितासाठी काम करतील. बोर्डाने त्यांना जागाही देऊ केली होती.
एलोन बोर्डात सहभागी होणार असल्याचे आम्ही मंगळवारी जाहीर केले होते. एलोन मस्क यांची अधिकृतपणे 4/9 रोजी बोर्डावर नियुक्ती होणार होती. परंतु एलोनने त्याच दिवशी सकाळी सांगितले की, तो मंडळात सामील होऊ शकत नाही. त्याने हा निर्णय चांगल्यासाठी घेतला असेल. आमच्या बोर्डावर असो किंवा नसो, आम्ही आमच्या भागधारकांच्या इनपुटला नेहमी आणि नेहमीच महत्त्व देतो. एलोन मस्क हे आमचे सर्वात मोठे शेअरहोल्डर आहेत. आम्ही त्यांच्या इनपुटसाठी नेहमीच खुले राहू.
Elon has decided not to join our board. I sent a brief note to the company, sharing with you all here. pic.twitter.com/lfrXACavvk
— Parag Agrawal (@paraga) April 11, 2022
आमची उद्दिष्टे आणि प्राधान्यक्रम यामध्ये कोणताही बदल होणार नाही. आपण कोणते निर्णय घेतो आणि त्याची अंमलबजावणी कशी करायची हे आमच्या ताब्यात असेल, इतर कोणाच्याही नाही. आवाजाकडे दुर्लक्ष करून, पुन्हा कामावर लक्ष केंद्रीत करू,' असंही पराग अग्रवाल यांनी पोस्टमध्ये म्हटलं आहे. गेल्या आठवड्याच्या सुरुवातीला एलोन मस्कने ट्विटरमध्ये 9.2% शेअर्स खरेदी केले होते. यासह ते कंपनीचे सर्वात मोठे शेअरहोल्डर बनले आहेत.
(The above story first appeared on LatestLY on Apr 11, 2022 04:21 PM IST. For more news and updates on politics, world, sports, entertainment and lifestyle, log on to our website latestly.com).
