![](https://mrst1.latestly.com/wp-content/uploads/2024/07/62-69-380x214.jpg)
K P Sharma Oli Appointed Nepal's PM: नेपाळच्या राष्ट्रपतींनी रविवारी राष्ट्राच्या पंतप्रधानपदी सीपीएन-यूएमएलचे अध्यक्ष के.पी. शर्मा ओली (KP Sharma Oli) यांची नियुक्ती केली आहे. के.पी. शर्मा ओली तिसऱ्यांदा नेपाळचे पंतप्रधान (Prime Minister of Nepal) म्हणून देशाची सूत्रे हाती घेणार आहेत. के.पी. शर्मा ओली यांच्या नवीन सरकारमध्ये एकूण 21 मंत्री असतील, त्यापैकी 9 नेपाळी काँग्रेसचे असतील. गृह, वित्त आणि ऊर्जा यासारखे महत्त्वाचे विभाग नेपाळी काँग्रेस आणि सीपीएन-यूएमएल यांच्यात विभागले जातील.
राष्ट्रपती भवनाची मुख्य इमारत शितल निवास येथे सकाळी 11 वाजता आयोजित शपथविधी समारंभात सोमवारी पंतप्रधानपदाची शपथ घेणारे सीपीएन-यूएमएलचे अध्यक्ष के.पी. शर्मा ओली यांनी त्यांच्या पाठिंब्याने सर्वोच्च पद मिळवले. (हेही वाचा - Happy Birthday PM Narendra Modi: राहुल गांधी, नेपाळचे पंतप्रधान KP Sharma Oli यांच्याकडून पंतप्रधान नरेंद्र मोदी यांना 70व्या वाढदिवसाच्या शुभेच्छा!)
तत्कालीन पंतप्रधान पुष्पकमल दहल प्रचंड यांनी नेपाळच्या संसदेतील विश्वासदर्शक ठराव गमावल्यानंतर 165 प्रतिनिधी सभागृहाच्या (HoR) सदस्यांच्या स्वाक्षऱ्या सादर करणाऱ्या ओली यांना 88 नेपाळी काँग्रेस (NC) सदस्यांचा पाठिंबा मिळाला. (हेही वाचा - Nepal Govt Recalls 11 Ambassadors: नेपाळने भारत-अमेरिकेसह 11 देशांतील आपल्या राजदूतांना परत बोलावले, जाणून घ्या काय होते कारण?)
Nepal President appoints CPN-UML chairman KP Sharma Oli as next Prime Minister: Office of the President
Oath ceremony scheduled for 11 AM tomorrow.
(file pic) pic.twitter.com/x3qpTlNu1N
— ANI (@ANI) July 14, 2024
याआधी, ओली ऑक्टोबर 2015 आणि फेब्रुवारी 2018 मध्ये पंतप्रधान झाले होते. नेपाळी काँग्रेसचे अध्यक्ष शेर बहादूर देउबा यांच्या पाठिंब्याने पुढील सरकार स्थापन करण्याचा दावा करत, ओली यांनी 275 सदस्यीय प्रतिनिधीगृहातील 165 सदस्यांच्या स्वाक्षरी असलेले पत्र काँग्रेसला सादर केले. दोन्ही पक्षांमधील करारानुसार, ओली आणि शेर बहादूर देउबा रोटेशनद्वारे प्रत्येकी दीड वर्षांसाठी पंतप्रधानपद भूषवतील.