Coronavirus New Variant: इंग्लंडमध्ये कोरोनाच्या नव्या व्हेरिएंटची दहशत; पाच ते 10 वयोगटातील मुलांना अधिक धोका
Omicron चे XE प्रकार पहिल्यांदा UN मध्ये 19 जानेवारी रोजी आढळले होते. आतापर्यंत त्याचे 600 सीक्वेन्स नोंदवले गेले आहेत. प्राथमिक अभ्यासानुसार, XE प्रकार BA.2 पेक्षा 10 टक्के जास्त संसर्गजन्य आहे आणि वेगाने पसरतो.
Coronavirus New Variant: इंग्लंडमध्ये कोरोना रुग्णांची संख्या वाढत आहे. गेल्या महिन्यात कोविड-19 चा शोध घेण्यासाठी घेण्यात आलेल्या चाचणीत प्रत्येक 16 पैकी एक व्यक्ती म्हणजेच 6.37 टक्के संक्रमित आढळले. हा दर फेब्रुवारीमध्ये नोंदलेल्या संसर्गाच्या दुप्पट आहे. फेब्रुवारीमध्ये, प्रत्येक 35 लोकांच्या चाचणीत एक व्यक्ती कोविड बाधित असल्याचे आढळून आले. एका नव्या अभ्यासातून ही माहिती समोर आली आहे.
यूकेमध्ये, इंपीरियल कॉलेज लंडनच्या दीर्घ 'रिअल-टाइम असेसमेंट ऑफ कम्युनिटी ट्रान्समिशन (रिअॅक्ट-1)' विश्लेषणामध्ये असे आढळून आले आहे की, दर 30 दिवसांनी संसर्गाचा दर दुप्पट होतो. डेटानुसार, संसर्गाची बहुतेक प्रकरणे ओमिक्रॉनच्या BA.2 'स्टेल्थ प्रकार' मधून आली आहेत. (हेही वाचा - कोरोना पुन्हा वाढणार टेन्शन! नवीन XE प्रकार Omicron BA.2 पेक्षा 10 पट जास्त संसर्गजन्य; WHO चा दावा)
बुधवारी प्रसिद्ध झालेला हा अभ्यास 8 ते 31 मार्च दरम्यान घेतलेल्या जवळपास 1,10,000 लाळेच्या नमुन्यांवर आधारित आहे. इम्पीरियल स्कूल ऑफ पब्लिक हेल्थमधील रिअॅक्ट प्रोग्रामचे संचालक प्रोफेसर पॉल एलियट म्हणाले, "एवढ्या मोठ्या संख्येने लोकांना संसर्ग होत असताना ही प्रवृत्ती चिंताजनक आहे, यामुळे अधिक लोक गंभीरपणे आजारी होऊ शकतात आणि त्यांना रुग्णालयात जाण्याची आवश्यकता असू शकते."
ते म्हणाले, "निर्बंध संपले असले तरी, मी लोकांना विनंती करतो की संसर्गास असुरक्षित असलेल्या इतर लोकांचे संरक्षण करण्यासाठी काळजीपूर्वक वागावे आणि जर तुम्हाला रोगाची लक्षणे दिसली तर तुम्ही इतर उपाय करू शकता." लोकांच्या संपर्कात येणे टाळा. यामुळे व्हायरसचा प्रसार कमी होण्यास मदत होईल, असंही त्यांनी सांगितलं.
या अभ्यासात ओमिक्रॉनच्या XE आणि XL प्रकारच्या व्हेरिएंटची संख्या देखील उघड झाली आहे. जी Omicron च्या मूळ BA.1 आणि BA.2 फॉर्मचे मिश्रण आहेत. मागील डेटाची तुलना दर्शविते की, संसर्गाची प्रकरणे सर्व वयोगटांमध्ये वाढली आहेत असून ती प्राथमिक शाळेत जाणाऱ्या मुलांमध्ये सर्वाधिक आहेत. पाच ते 11 वर्षे वयोगटातील प्रत्येक 10 पैकी एक बालक संक्रमित असल्याचे आढळून आले आहे. तथापि, अलीकडील ट्रेंड असे सूचित करतात की, पाच ते 54 वयोगटातील नवीन संसर्गाचे प्रमाण कमी होत आहे.
संशोधकांनी सांगितले की, यूकेच्या नॅशनल हेल्थ सर्व्हिसने (NHS) गेल्या वर्षी सप्टेंबरमध्ये बूस्टर लस देण्यास सुरुवात केली. वृद्धांच्या तुलनेत तरुणांना अलीकडेच लसीचा तिसरा डोस मिळाला आहे. वर्ल्ड हेल्थ ऑर्गनायझेशनने कोरोनाच्या XE प्रकाराबद्दल चेतावणी दिली होती आणि म्हटले होते की कोरोनाच्या नवीन प्रकाराबद्दल सावधगिरी बाळगली पाहिजे.
दरम्यान, Omicron चे XE प्रकार पहिल्यांदा UN मध्ये 19 जानेवारी रोजी आढळले होते. आतापर्यंत त्याचे 600 सीक्वेन्स नोंदवले गेले आहेत. प्राथमिक अभ्यासानुसार, XE प्रकार BA.2 पेक्षा 10 टक्के जास्त संसर्गजन्य आहे आणि वेगाने पसरतो. अद्याप या प्रकाराबद्दल अधिक अभ्यास करणे आवश्यक आहे.
(The above story first appeared on LatestLY on Apr 07, 2022 12:51 PM IST. For more news and updates on politics, world, sports, entertainment and lifestyle, log on to our website latestly.com).
